Mattiu 21:39 - Tedim Bible

³⁹ Tua ahih manin amah manin that uh a, lo nawlah a paai uh hi.

Tedim Bible Revision 2017

³⁹ Tua ahih manin amah manin that uh a, lo nawl ah a paai uh hi.

Mattiu 21:39 Iomraidhean Croise

Mattiu 21:38

Ahi zongin lo khawhlawhte in a tapa a muh uh ciangin, ‘Hih pa pen a gamhluah ding pa ahi hi. Hong pai un; amah thatin a luah dingteng eite inla ni,’ a kici uh hi.

Mattiu 21:40

Tua ahih ciangin leenggah lo nei pa hong pai ciangin a lo khawhlawhte bangci bawl ding ahi hiam?” ci-in a dong hi.

Mattiu 26:50

Jesuh in, “Lawm aw, hih dingin na ngim pen hihpak in,” ci-in a dawng hi. Tua ciangin mihonte in Jesuh manin a lencip uh hi.

Mattiu 26:57

Tua ciangin Jesuh a man mite in siampi lianpen pa Kaiafas kiangah hong paipih uh a, tua lai-ah Thukham hilh siate le upate a kikhawm uh hi.

Johan 18:12

Tua ahih manin galkapte le a bute le Jew mi palikte in Jesuh manin hen uh a,

Johan 18:24

Tua ciangin Annas in Jesuh a kikhihsa mahin siampi lianpen pa Kaiafas kiangah a puak hi.

Sawltak 2:23

Pasian in thu a ma theihkholhna le ama geelna tawh kizui-in note’ khut sungah tua Jesuh a hong piak ding a ngaihsutsa hi a, note in singlamteh tungah khai-in migilote’ khut tawh amah na that uh hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesuh Khrih min vangliatna tawh hih mipa a ci damin hih lai-ah ding ahihna thu, note le Israel mi khempeuh in na theih dingun a kilawm thu khat ahi hi.

Sawltak 5:30

Note in singlamteh tungah Jesuh khai-in na thah khit uh ciangin i pu i pate’ Pasian in sihna panin amah hingkiksak khinzo hi.

Sawltak 7:52

I pu i pate in kamsang a bawlsiat loh khat beek om lo hi. Pasian’ deihna bangin a gamta a Nasempa a hong pai nading thu a genkhol Pasian’ kamtaite na that uh a, tu-in note in tua nasempa lehhekin na that leuleu uh hi.

Jeim 5:6

A thuman mite mawhsakin na that uh a, amaute in na thu uh hong nial zo lo uh hi.