Mattiu 21:13 - Tedim Bible

¹³ Amaute kiangah, “Pasian in Lai Siangtho sungah, ‘Ka inn pen thungetna inn kici ding hi,’ ci napi-in, note in guktakna phualpi na suaksak uh hi,” a ci hi.

Tedim Bible Revision 2017

¹³ Amaute kiangah, “Pasian in Lai Siangtho sungah, ‘Ka inn pen thungetna inn kici ding hi,’ ci napi-in, note in guktaakna phualpi na suaksak uh hi,” a ci hi.

Mattiu 21:13 Iomraidhean Croise

Late 93:5

Na thupiaknate kip mahmah hi. Topa aw, sianthona pen a tawntungin na inn tawh a kilawm ahi hi.

Isaiah 56:7

ka mual siangtho-ah paipihin keima thungetna inn sungah ka lungdamsak ding a, amaute’ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh a dingin thungetna inn kici ding hi.

Jeremiah 7:11

Ka min tawh a kilo hih biakinn no’ ngaihsutna-ah misuam mi buluhte’ bukna mun bangin ngaihsun na hi uh hiam? Keimah in note’ hih khempeuh kong mu khin hi, Topa in kong ci hi.

Mattiu 2:5

Amaute in, “Kamsangpa in a lai gelhna sungah, ‘Judah gamah a om Bethlehem khua aw, ka mi Israel-te a uk dingin nangma sung panin ukpa khat hong piang ding ahih manin Judah gam a uk khuate lakah a neu na hi het kei hi,’ ci ahih manin Judea gam sung Bethlehem khua-ah suak ding hi,” ci-in a dawng uh hi.

Marka 11:17

Tua ciangin mite kiangah thu hilh a, “Ka inn pen mi khempeuh a dingin thungetna inn kici ding hi,” ci-in Pasian in a genna thu Lai Siangtho sungah kigelh hi lo ahi hiam? Ahi zongin note in guta buluhte’ bukna mun na suaksak uh hi, ci-in thu a hilh hi.

Luka 19:45

Tua ciangin biakinn sungah Jesuh lutin a sunga om sumbukte hawlkhiat ding kipan a,

Luka 19:46

“‘Ka inn pen thungetna inn kici ding hi,’ ci-in Pasian in a genna thu Lai Siangtho sungah kigelh hi. Ahi zongin note in gutate’ bukna phualpi na suaksak uh hi,” ci-in amaute kiangah a gen hi.

Johan 15:25

Amaute’ Thukham sungah, ‘Thu om lopi-in kei hong mudah uh hi,’ ci-in a kigelhna thu a tuntheih nadingin a hici mah ding ahi hi.