Mattiu 21:10 - Tedim Bible

¹⁰ Jerusalem khuasung a tun uh ciangin khuasung mi khempeuh gamlum henhan uh a, “Hih pa kua ahi hiam?” ci-in khatlekhat a kidong uh hi.

Tedim Bible Revision 2017

¹⁰ Jerusalem khua sung a tun uh ciangin khua sung mi khempeuh gamlum henhan uh a, “Hih pa kua ahi hiam?” ci-in khatlekhat a kidong uh hi.

Mattiu 21:10 Iomraidhean Croise

Solomon la 3:6

Myrrh paknamtui le saledi pak namtui a kihel tawh a kibang, sumbuk a paknamtui om khempeuh a kihal khin a khu tawh a kibang, gamlak a hong khuto henhan bang ahi hiam?

Isaiah 63:1

Edom gam, Bozrah khua panin puan ausan silhin a hong pai, a puansilhna-ah minthanna mel nei-in, ama thahatna tawh a hong pai pa kua ahi hiam? A honkhiazo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.

Mattiu 2:3

Kumpi Herod in hih thu a zak ciangin lamdangsa mahmah a, Jerusalem khuami khempeuh in zong lamdang a sa ciat uh hi.

Mattiu 21:11

Mihonpite in, “Galilee gam Nazareth khua pana kamsang Jesuh hi,” ci-in a dawng uh hi.

Mattiu 21:9

A mai-a pai mihonte le a nunga zui mihonte awng uh a, “David’ suan Jesuh in phatna ngah ta hen! Topa’ min tawh hong pai pa in thupha ngah ta hen! A sangpena om Pasian in phatna ngah ta hen!” a ci uh hi.

Luka 20:2

Jesuh kiangah, “Kua’ thu tawh hih bangin gamta a, kua in thu hong pia ahi hiam, hong gen dih in,” ci-in a dot uh ciangin

Luka 5:21

Tua ciangin Thukham hilh siate le Farisi mite in a lungsim sung uhah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Luka 7:49

Tua ciangin Jesuh tawh sabuai-ah an a nekhawm midangte in a lungsim sung uhah, “Mawhna nangawn a maisak hih mipa kua ahi hiam?” a ci uh hi.

Luka 9:9

Herod in, “Johan a ngawng ka tansak khitsa ahi hi; hih a thu ka zak mipa kua hi ding ahi hiam?” a ci hi. Tua ahih manin Jesuh tawh kimuh ding a hanciam hi.

Johan 2:18

Tua ciangin Jerusalem khua-ah a om Jew uliante Jesuh kiangah hong pai uh a, “Hih bangin na gamtat theih nading thu na neihna bang lim tawh hong lakthei ding na hi hiam?” ci-in a dot uh ciangin

Sawltak 9:5

Saul in, “Topa aw, kua na hi hiam?” ci-in a dot ciangin, “Nangmah in na hong bawlsiat Jesuh ka hi hi.

Ruth 1:19

Tua ahih ciangin Bethlehem a tun mateng uh a nihun paisuak uh hi. Bethlehem a tun uh ciangin amaute’ hangin a khuazang un luum lialua-in nupite in, “Hihnu Naomi mah ahi hiam?” a ci uh hi.

1 SAMUEL MASA 16:4

Topa’ thupiak bangin Samuel gamta-in Bethlehem-ah a pai hi. Tua khuapi upate a lingsa-in amah a dawn dingin hong pai uh a, “Thuhoih a hong pai na hi hiam?” a ci uh hi.