Mattiu 20:28 - Tedim Bible

²⁸ Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

Tedim Bible Revision 2017

²⁸ Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Mattiu 20:28 Iomraidhean Croise

JOB (Job) 33:24

Vantung mi in amah a hehpihna hangin, ‘Amah suaktasak in. Misite gamah paisak kei in. Amah tatkhiatna ding hih lai-ah om hi,’ a ci ding hi.

Late 49:7

amah le amah a kitankhia tawmzo taktak, a nuntakna man ding Pasian’ tungah a piazo mi kuamah om lo hi.

Isaiah 53:5

Ahih hangin eite’ khialhna hangin amah kiliamsak a, eite’ mawhna hangin amah kisatnim hi. Ama gim thuakna hangin nopna i ngah a, ama liamna hangin damna i ngah hi.

Isaiah 53:8

Nenniamna le thukhenna tawh amah kipaikhiatpih hi. A hingte’ gam panin amah kikhenkhia-in, ama mite’ khialhna hangin amah in gimna thuak hi, ci-in ama khang mite kua in thei ahi hiam?

Gamlak-vakna 7:15

meihal biak nadingin bawngtalno khat, tuutal khat, kum khat a pha tuuno a pa khat;

Mattiu 20:27

note’ lakah a lianpen ahi dingte note’ sila hi ding hi.

Mattiu 26:28

Mi tampite’ mawhna a mai nadingin a luangkhia, Pasian’ thuciamna a kipsak, ka sisan ahi hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Marka 10:45

Bang hang hiam cih leh Mihing Tapa zong, midangte ama na a semsak dingin a hong pai hi lo hi. Midangte’ na a sem ding le mi tampi a tatkhiat nading ama nuntakna a pia dingin a hong pai ahi zaw hi,” a ci hi.

Marka 14:24

Tua ciangin amaute kiangah, “Hih pen mi tampite a dingin a luang, thuciamna thak a kipsak keima sisan ahi hi.

Luka 22:27

Anne dingin sabuai-ah a tupa le an a piapa kua lianzaw ahi hiam? Anne dingin a tupa lianzaw mah hi. Ahi zongin kei pen note lakah anpia-in na a sempa bangin ka hong om hi.

ROM (Romans) 4:25

Eite’ mawhna hangin a si dingin Jesuh kipia a, Pasian tawh eite i kipawl theih nadingin kihingkiksak hi.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

Galati 3:13

Lai Siangtho in, “Sing tungah a kikhai mi peuhmah Pasian’ samsiat mi ahi hi,” na ci ahih manin eite a dingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi.

Efesa 1:7

Khrih hong sihna hangin eite in suahtakna ngahin, i mawhnate hong kimaisak ahi hi. Tuazah dongin Pasian’ hong hehpihna thu bangzah takin lian ahi hiam?

Efesa 5:2

Khrih in eite a hong it manin Pasian in eite’ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

1 TIMOTI MASA 2:6

Mi khempeuh a tankhia dingin tua Jesuh hong kipiatawm a, a hun lian laitakin a hong kipiakna pen Pasian in mi khempeuh a hotkhiat nopna thu a kilatna ahi hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 2:10

Na khempeuh ama a dingin a piangsak Pasian in tate tampi minthanna a ngahsak theih nadingin a thuakna tawh hotkhiatna thu-ah a makai dingin Jesuh a bawl ding a kilawm mah ahi hi.

Hebru 5:8

Amah, Pasian’ Tapa hinapi-in a thuakna tawh thumang ahih theih nading a na kisin hi.

Hebru 9:28

mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

1 JOHAN MASA 2:2

Tua Jesuh hangin eite’ mawhna hong kimaisak a, eite a’ ding bek hi loin leitung mi khempeuh’ mawhna zong a mai nading ahi hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,