Mattiu 20:14 - Tedim Bible

¹⁴ Hih na thalawhsa sum la inla ciah in. Nang ka hong piakzah mah, hih a kicial nunungte tungah zong ka pia nuam hi.

Tedim Bible Revision 2017

¹⁴ Hih na thalawh sa sum la inla ciah in. Nang ka hong piakzah mah, hih a kicial nunungte tungah zong ka pia nuam hi.

Mattiu 20:14 Iomraidhean Croise

2 KUMPI NIHNATE 10:16

Tua ciangin amah in, “Kei hong zui inla, Topa a’ ding ka deihluatna hong thei in,” a ci hi. Tua ahih ciangin Jehu in a leeng sungah amah tuangsak hi.

Mattiu 20:13

Tua ciangin lo nei pa in amaute khat kiangah, ‘Lawm aw, nang ka hong khem het kei hi. Ni khat sung nasep thaman dingin ngun peek khat piak dingin na thukimsa hi lo ahi hiam?

Mattiu 20:15

Keima sum pen keima ut bangin ka zattheih ding hi lo ahi hiam? Tua ahih kei leh kei ka cit manin na heh suak ahi hiam?’ a ci hi.

Mattiu 6:16

“An na tan’ uh ciangin a kineihkhem mite bangin maikhingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan’ thaman uh a ngah khinta ahih lamtak limtakin thei un.

Mattiu 6:2

“Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna innsung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Mattiu 6:6

Ahi zongin thu na nget uh ciangin na innsung uhah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un note’ tungah thaman hong pia ding hi.

Luka 15:31

A pa in, ‘Ka ta aw, nang pen hih lai-ah kei tawh a omkhawm tawntung na hi a, keima neih khempeuh nangma a’ ahi hi.

Luka 16:25

Ahi zongin Abraham in, ‘Ka ta aw, leitungah na nuntak laitakun nang nopsakna namkim na ngah laitakin Lazaras in haksatna namkim a thuak hi. Ahi zongin tu-in amah in hih lai-ah nopsakna a ngah laitakin nangmah in haksatna a thuak na hi hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasian’ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

ROM (Romans) 3:4

Tua bang hi het lo hi. Lai Siangtho sungah, “Thu na gen peuhmah ciangin a man na genna thu mite in hong thei ding uh a, mite in nang hong mawhsakna na genkik ciangin na kiphellah ding khat beek om lo ding hi,” ci-in a kigelh mah bangin mi khempeuh in zuau a gen zongin Pasian in thuman gen veve ding hi.