Mattiu 20:1 - Tedim Bible

¹ “Bang hang hiam cih leh vantung ki-ukna sung omzia pen a leenggah lo-ah na a sem ding a cial dingin zing tungin a kuankhia leenggah lo nei pa tawh kibang hi.

Tedim Bible Revision 2017

¹ “Bang hang hiam cih leh vantung ki-ukna sung om zia pen a leenggah lo ah na a sem ding a cial dingin zing tungin a kuan khia leenggah lo nei pa tawh kibang hi.

Mattiu 20:1 Iomraidhean Croise

Mattiu 13:24

Tua ciangin Jesuh in thugentehna dang khat gen a, “Vantung ki-ukna pen bang tawh kibang hiam cih leh: A lo-ah taangci hoih a vawhpa tawh kibang hi.

Mattiu 13:31

Tua ciangin Jesuh in thugentehna dang khat gen leuleu a, “Vantung ki-ukna pen bang tawh kibang hiam cih leh, mi khat in a lo sungah a vawh ankam tang tawh kibang hi.

Mattiu 13:33

Tua ciangin thugentehna khat mah gen leuleu a, “Vantung ki-ukna pen bang tawh kibang hiam cih leh, nupi khat in annel seu thum dim meek manin silngo sawh a, a vekpi-in silngo in zelin a pawmsak tawh kibang hi,” a ci hi.

Mattiu 13:47

“Vantung ki-ukna pen tui sungah kipaai-in ngasa namkim a awkna ngen tawh zong kibang hi.

Mattiu 20:2

Ni tha ngeina ngun peek khat piak dingin a kithukim khit uh ciangin a leenggah lo-ah na a sem dingin pawlkhat a kuansak hi.

Mattiu 21:28

Tua ciangin Jesuh in amaute kiangah, “Note in bangci ngaihsut na hi uh hiam? Mi khat in tapa nih nei hi. A ta uzaw kiangah, ‘Ka ta aw, tuni-in leenggah lo-ah va kuan in,’ ci-in a sawl ciangin

Mattiu 22:2

“Vantung ki-ukna zia pen a tapa a dingin mo pawi a bawl kumpipa’ gamtatzia tawh kibang hi.

Mattiu 23:37

“Jerusalem, Jerusalem aw, kamsangte na that a, Pasian’ sawl kamtaite na denglum hi. Akpi in a kha tawh a note a huai mah bangin na mite ka huainuam tawntung a, ahi zongin na ut kei hi.

Mattiu 25:1

“Tua hun ciangin vantung ki-ukna zia pen zinei thak pa a uap dingin a meivak uh tawh a pai nungak sawmte tawh kibang ding hi.

Mattiu 25:14

“Inn panin khualzin dingin a paikhia mipa tawh zong kibang hi. Amah in a nasemte samin, a neihsateng a nasemte’ kep dingin a ap hi.

Mattiu 3:2

“Vantung ki-ukna hun hong naita ahih manin na mawhnate uh kisik kik un,” a ci hi.

Marka 13:34

Mi khat khualzin dingin paikhia a, a dinkhiat ding ciangin amau’ sep ding ciat a nasemte tungah tavuan pia a, kongcing pa in limtakin a cin ding a sawl mipa tawh kibang hi.

Johan 15:1

Tua ciangin Jesuh in, “Kei pen leenggui taktak ka hi a, ka Pa pen leenggui lonei pa ahi hi.

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

Hebru 13:21

ama deihna bangin na na septheih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen.