Mattiu 2:7 - Tedim Bible

⁷ Tua ciangin Herod in tua mipilte samsim a, aksi a kilat hun teltakin a dot khit ciangin,

Tedim Bible Revision 2017

⁷ Tua ciangin Herod in tua mipilte sam sim a, aksi a kilat hun teltakin a dot khit ciangin,

Mattiu 2:7 Iomraidhean Croise

Late 55:21

Ama kampau, thawhbat sangin nelzaw a, ahi zongin a lung sungah muhdahna om hi. A kammalte sathau sangin nipzaw a, ahi zongin tuate pen namsau hiam mahmah tawh kibang hi.

Paikhiatna 1:10

Amaute hong tam kha ding uh ahih manin ngaihsut siamna tawh amaute hih ni. Eite tungah gal hong om leh amaute in i galte pawlin eite hong do-in hih gam panin taikhia kha ding uh hi,” a ci hi.

Gamlak-vakna 24:17

Amah ka mu hi; ahih hangin tunai hun hi lo hi: Jakob sung pan aksi khat hong suakkhia ding a, Israel sung pan kumpi ciangkhut hong piang ding hi. Tua in Moab thaltang satkham ding a, Sheth’ suante khempeuh sugawp ding hi.

Mattiu 2:1

Herod in Judea gamah kumpi a sep hun laitakin tua gam sung Bethlehem khua-ah Jesuh a suak hi. A suah khit phetin aksi thu lamsang a siam mi pawlkhat, nisuahna lam panin Jerusalem-ah hong tung uh a,

Mattiu 2:16

Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiima om naungek kum nih ciang le a nuaisiah khempeuh a that dingin a galkapte a sawl hi.

Mattiu 2:8

Bethlehem khua-ah a pai nadingun sawl a, “Tua naungek limtakin va zong unla, kei zong hong pai-in amah ka biak theih nadingin na muh khit uh ciangin kei kiangah thu hong zasak un,” ci-in a vaikhak hi.

Sawltak 24:22

Tua ciangin tua Thu paizia teltakin a thei Feliks in a thusitna hialbawl a, “Galkap mangpa Lysias hong tun ciangin na thu uh kong khensak ding hi,” ci-in a genkhit ciangin,

Mangmuhna 12:15

Gulpi in zong tuikhang tawh tua numei a taihsak theih nadingin a kam panin gunpi luang bangin tua numei’ nungah tui a luangsak hi.

1 SAMUEL MASA 18:21

Saul in, “Ama a dingin ka tanu pen thangzak ahih theih nading le Filistia-te’ khut sungah a sihtheih nadingin ama tungah ka tanu pia ning,” ci-in ngaihsun hi. Tua ahih ciangin Saul in David kiangah a nih veina genin, “Nang pen tu-in ka makpa na hi ding hi,” a ci hi.