Mattiu 2:5 - Tedim Bible

^5-6 Amaute in, “Kamsangpa in a lai gelhna sungah, ‘Judah gamah a om Bethlehem khua aw, ka mi Israel-te a uk dingin nangma sung panin ukpa khat hong piang ding ahih manin Judah gam a uk khuate lakah a neu na hi het kei hi,’ ci ahih manin Judea gam sung Bethlehem khua-ah suak ding hi,” ci-in a dawng uh hi.

Tedim Bible Revision 2017

^5-6 Amaute in, “Kamsang pa in a lai gelhna sungah, ‘Judah gamah a om Bethlehem khua aw, ka mi Israel-te a uk dingin nangma sung panin ukpa khat hong piang ding ahih manin Judah gam a uk khuate lakah a neu na hi het kei hi,’ ci ahih manin Judea gam sung Bethlehem khua ah suak ding hi,” ci-in a dawng uh hi.

Mattiu 2:5 Iomraidhean Croise

Piancilna 35:19

Tua ahih ciangin Rachel si-in, Efrath (Bethlehem) paina lampi-ah kivui a,

Mattiu 2:1

Herod in Judea gamah kumpi a sep hun laitakin tua gam sung Bethlehem khua-ah Jesuh a suak hi. A suah khit phetin aksi thu lamsang a siam mi pawlkhat, nisuahna lam panin Jerusalem-ah hong tung uh a,

Mattiu 2:4

Tua ahih manin Herod in siampi liante le Thukham hilh siate khempeuh kaikhawm a, “Koi lai-ah Khrih suak ding ahi hiam?” ci-in a dong hi.

Johan 7:42

Khrih i cih pen David’ suan hi ding a, David’ suahna Bethlehem khua-ah suak ding hi, ci-in Lai Siangtho sungah kigelh hi lo ahi hiam?” a ci uh hi.

Joshua 19:15

Tua ciangin Kattath, Nahalal, Shimron, Idalah, le Bethlehem khuate zong huam a, khuapi sawm le nih, a khuaneute tawh ahi hi.

Thukhente 17:7

Tua hun laitakin Judah gam Bethlehem khua sungah Levi mi tangval khat om hi.

Ruth 1:1

Thukhente in a uk hun lai-in tua gam sungah kialpi tung a, Judah gam sunga Bethlehem khuami khat, a zi le a tapa nihte tawh Moab gamah a peem dingin a pai uh hi.

Ruth 1:19

Tua ahih ciangin Bethlehem a tun mateng uh a nihun paisuak uh hi. Bethlehem a tun uh ciangin amaute’ hangin a khuazang un luum lialua-in nupite in, “Hihnu Naomi mah ahi hiam?” a ci uh hi.

Ruth 2:4

Boaz zong Bethlehem panin hong kuanin amah in anlate kiangah, “Topa in note hong ompih ta hen!” a ci hi. Amaute in dawngin, “Topa in nang thupha hong pia ta hen,” a ci uh hi.

Ruth 4:11

Tua ciangin kulhkongpi-a om mite khempeuh le upate in, “Kote, teci ka hi uh hi. Topa in Israel-te’ pianna Rachel le Leah bangin na innkuan sunga hong pai numei bawl tahen. Efrathah-ah na dau pai hen la, Bethlehem-ah na min thang tahen.

1 SAMUEL MASA 16:1

Topa in Samuel kiangah, “Israel-te tungah kumpi hihna panin amah ka nolhkhitna mu napi-in Saul’ hangin bang tanvei dah ding na hi hiam? Na sathau biingah sathau thun inla, pai in; Bethlehem mi Jessi kiangah kong sawl ding hi. Bang hang hiam cih leh ama tapate lak panin keima-a’ ding kumpi khat ka la khin hi,” a ci hi.