Mattiu 2:23 - Tedim Bible

²³ Nazareth khua-ah a teng uh hi. Kamsangte in, “Amah pen Nazareth khuami kici ding hi,” ci-in a genkholhna a tun nadingin hih bangin a piang ahi hi.

Tedim Bible Revision 2017

²³ Nazareth khua ah a teeng uh hi. Kamsangte in, “Amah pen Nazareth khuami kici ding hi,” ci-in a gen kholhna a tun nadingin hih bangin a piang ahi hi.

Mattiu 2:23 Iomraidhean Croise

Gamlak-vakna 6:13

“A tuam om hun a cin ciangin zuih ding Nazir ngeinate: Kikhopna buk kongah amah kipaipih ding a,

Mattiu 1:22

Topa in kamsangpa tungtawnin a gensa thu a tun theih nadingin hih thute a piang ahi hi. Tua a genna-ah,

Mattiu 21:11

Mihonpite in, “Galilee gam Nazareth khua pana kamsang Jesuh hi,” ci-in a dawng uh hi.

Mattiu 26:71

Tua ciangin Peter zong inntual pualamah a paikhiat leh numei dang khat mah in mu ahih manin a gei-a omte kiangah, “Nazareth khuami Jesuh tawh hih mipa kikhawl hi,” a ci hi.

Marka 1:24

“Nazareth khuami Jesuh aw, kote tawh nang bang kisai ihi hiam? Kote a susia dingin hih lai-ah hong om na hi hiam? Pasian’ mi siangtho na hihlam kong thei hi,” ci-in a kiko hi.

Marka 1:9

Tua laitakin Galilee gam sunga om Nazareth khua panin Jesuh hong pai a, Jordan Gun sungah Johan in amah a tuiphum hi.

Luka 1:26

Elizabeth a gaizawh kha guk a cin ciangin Pasian in Galilee gam Nazareth khua-ah vantungmi Gabriel a paisak hi.

Luka 18:37

Mite in, “Nazareth khuami Jesuh hong pai hi,” a na ci uh hi.

Luka 2:39

Amaute in Topa’ Thukham tawh kizui-in hih ding a kisam khempeuh a bawl khit uh ciangin Galilee gam, amau khua Nazareth-ah a ciahkik uh hi.

Johan 18:5

Amaute in, “Nazareth khuami Jesuh a zong ka hi uh hi,” a ci hi. Jesuh a lehhek Judas zong tua mihonte tawh hong dingkhawm hi.

Johan 18:7

Jesuh in, “Kua zong na hi uh hiam?” ci-in a dotkik ciangin amaute in, “Nazareth khuami Jesuh a zong ka hi uh hi,” a ci leuleu uh hi.

Johan 19:19

Pilat in lai khat gelhsakin, “Jew mite’ Kumpipa, Nazareth khuami Jesuh,” cisak a, singlamteh tungah a suangsak hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesuh tungtawnin Pasian in lim le na lamdangte bawlin na hong sem ahih manin, Jesuh pen Pasian’ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Sawltak 24:5

Hih mipa, buaina a piangsak, a kihtakhuai mi ahihna ka mu uh hi. Mun khempeuha om Jew mite lakah buaina piangsak a, Nazareth mi pawl a kicite a makai pa ahi hi.

Thukhente 13:5

Bang hang hiam cih leh nang gai-in tapa khat na nei ding hi. Ama lu tungah mulkiatna kitah lo ding hi. Bang hang hiam cih leh naupang pen a suah a kipanin Pasian’ tungah Nazir mi hi ding a, amah in Filistia mite’ khutsung panin Israel-te hotkhiat ding kipan ding hi,” a ci hi.

1 SAMUEL MASA 1:11

Amah in thuciamna khat bawlin, “Vanglian Topa aw, nangmah in na nasemnu’ gimna nong et takpi a, keimah hong phawkin na nasemnu hong mangngilh loin na nasemnu tungah tapa khat nong piak leh, Topa’ tungah a khan tawntungin amah kong pia ding a, ama lu-ah mulkiatna kitah lo ding hi,” a ci hi.