Mattiu 2:18 - Tedim Bible

¹⁸ “Nakpi taka kahna awging Ramah gam sungah kiza hi. Rachel in a tate kah a, a tate khempeuh si khin ahih manin a kah a tawp nadingin kikhem zo lo hi,” ci-in a genna thu a tun nading ahi hi.

Tedim Bible Revision 2017

¹⁸ “Nakpi tak a kahna awging Ramah gam sungah kiza hi. Rachel in a tate kah a, a tate khempeuh si khin ahih manin a kah a tawp nadingin kikhem zo lo hi,” ci-in a genna thu a tun nading ahi hi.

Mattiu 2:18 Iomraidhean Croise

Piancilna 37:30

a sanggamte kiangah ciahkikin, “Tangvalpa om nawn lo hi. Kei bangci ding ka hi hiam?” a ci hi.

Piancilna 42:36

A pa uh Jakob in amaute kiangah, “Ka tate tawh kei nong kikhensak zo uh hi: Josef om nawn lo, Simeon om nawn lo, tu-in note in Benjamin na la ding uh hi. Hihte khempeuh kei’ tungah hong tung khin hi,” a ci hi.

JOB (Job) 14:10

Ahi zongin mi si a, amah maimang pah hi. Amah a beina tungta a, koi-ah om nawn ahi hiam?

Jeremiah 31:15

Topa in kong cihin-ah: “Ramah khua-ah aw khat kiza a, tauna le kah ngutngutna awging ahi hi. Rachel, a tate a dingin a kap hi. A tate om nawn lo ahih manin kinem zo lo hi,” a ci hi.

Jeremiah 4:31

Nau a suak ding numei a kiko bang khat ka za a, tacil a suak numei’ tauna tawh kibang hi. Zion’ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Ezekiel 2:10

Tua ciangin tua khut in tua lai kizial hong phel a, a lang nih tuakah lai kigelhin, dahlekah thu le thumletau thute vive a kigelh ka mu hi.

Mattiu 2:17

Hih bangin thu hong pian’ ciangin kamsangpa Jeremiah in,

Luka 8:52

Tua lai-a om mi khempeuh, tua numeino’ sihna hangin kapin, thumin na om uh hi. Ahi zongin Jesuh in, “Kap nawn kei un, amah a si hi lo hi; a ihmu bek ahi hi,” a ci hi.

Mangmuhna 8:13

Tua ciangin ka khuadak leh vankim lai-ah muvanlai khat a leenkawmin nakpi-in ham a, “Vantung mi adang thumte in a hong tum lai ding peengkulte hangin leitungah a teng mi tungah gimna, gimna, gimna lianpi hong tung ding hi,” a cihna ka za hi.