Mattiu 2:16 - Tedim Bible

¹⁶ Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiima om naungek kum nih ciang le a nuaisiah khempeuh a that dingin a galkapte a sawl hi.

Tedim Bible Revision 2017

¹⁶ Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiim a om naungek kum nih ciang le a nuaisiah khempeuh a that dingin a galkapte a sawl hi.

Mattiu 2:16 Iomraidhean Croise

Piancilna 39:14

ama innsung mite samin amaute kiangah, “En un, amah in eite hong no dingin Hebru mi khat eite’ lakah hong paipih hi. Kei tawh a lumkhawm dingin amah hong sungtang a, nakpitakin kei ka kiko hi.

Piancilna 39:17

Tua nu in ama kiangah tua thu mah gen a, “Kote kianga nong paipih Hebru mi nasempa keimah a no dingin hong sungtang hi.

Piancilna 49:7

Amau’ sinsona lauhuai a, amau’ hehna kihtakhuai hi. Samsiatna ngah ta uh hen! Jakob suante sungah amaute ka khenthang ding a, Israel sungah amaute ka thehthang ding hi.

2 KUMPI NIHNATE 8:12

Tua ciangin Hazael in, “Bang hangin ka topa kap na hi hiam?” a ci hi. Amah in dawngin, “Bang hang hiam cih leh Israel mite tungah nangmah in na bawl ding siatna ka thei hi. Nangmah in amau’ munmuanhuaite mei tawh na hal ding a, namsau tawh amau’ tangvalte thatin, amau’ naupang neute lei na denkhapna ding a, naupaii amau’ numeite na phelkham ding hi,” a ci hi.

JOB (Job) 12:4

Ka lawmte nangawn in tu-in kei hong nuihsan uh a, kei dikin paubaang lo napi hong nuihsan uh hi. Ahi zongin Pasian in ka thungetna a hong piak hun om hi.

Paunak 28:15

Mizawngte a uk migilo pa pen humpinelkai gilkial le vompi halungvei tawh kibang hi.

Paunak 28:17

Mi thatin a khial pa in ama hankhuk ding a to ahi hi. Ama hankhuk tawh kho kei in.

Isaiah 26:21

Bang hang hiam cih leh en un, amau’ mawhna hangin leitungah a teng mite gim a pia dingin ama omna panin Topa hong paikhia a, leitung in ama tunga a kithat mite lakkhia ding a, a kithat ama mite sincip nawn lo ding hi.

Isaiah 59:7

Siatna bekbek na geelgeel uh a, na sepkhiat ding uh na ngaklah mahmah uh hi. Mawhnei lo mite thah ding haksa na sa kei uh hi. Na paina khempeuh uhah siatna vive om kawikawi hi.

Daniel 3:13

Tua thu hangin kumpipa heh mahmah a, tua mi thumte ama mai-ah a kipaipihna ding thu a pia hi.

Hosea 10:14

gal in na mite uh hong sim ding a, na kulh muanhuaite uh kisusia ding hi. Kumpi Shalman in a galsimna ah Betharbel khua sugawpin, nupite le a tate leilak denna-in a sih mangsak hun lai mah a bang ding hi.

Gamlak-vakna 22:29

Balaam in a la kiangah, “Nang in kei nong mawlpihna hang ahi hi. Ka khutah namsau a tawi hi leng ka ut hi. Tua hileh nang kong that khin ding hi,” a ci hi.

Gamlak-vakna 24:10

Balaam’ tungah Balak heh mahmah a, amah in a khut le a khut a tuum hi. Balak in Balaam kiangah, “Ka galte a samsia dingin nang kong sam hi. En in, nang in amaute thumvei tak thupha na pia khinzo hi.

Mattiu 2:1

Herod in Judea gamah kumpi a sep hun laitakin tua gam sung Bethlehem khua-ah Jesuh a suak hi. A suah khit phetin aksi thu lamsang a siam mi pawlkhat, nisuahna lam panin Jerusalem-ah hong tung uh a,

Mattiu 2:17

Hih bangin thu hong pian’ ciangin kamsangpa Jeremiah in,

Mattiu 2:7

Tua ciangin Herod in tua mipilte samsim a, aksi a kilat hun teltakin a dot khit ciangin,

Mangmuhna 12:4

A mei tawh vanah a om aksi sehsawmsuah sehkhat vatkhia-in leilak a denna hi. A nau a suah phetin a ne pah dingin nausuak dingin a kithawi tua numei’ mai-ah a ding hi.

Mangmuhna 17:6

Tua ciangin mi siangthote le Jesuh tungah a cihtak uh manin a kithat mite’ sisan dawnin zukham a batna ka mu hi. Tua numei ka muh ciangin lamdang ka sa mahmah hi.

Thukhente 16:10

Tua ciangin Delilah in Samson kiangah, “En in, kei nong simmawh a, zuauthu nong gen hi. Nang hong bangci kihen theih ding cih nong hehpihna-in hong gen in,” a ci hi.