Mattiu 19:28 - Tedim Bible

²⁸ Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Tedim Bible Revision 2017

²⁸ Jesu in amaute kiangah, “Keʼn limtak a kong genin ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 19:28 Iomraidhean Croise

1 KUMPI MASATE 18:31

“Israel, nangma min hi ding hi,” ci-in Topa’ thu a tunna Jakob’ tapa minam sawm le nihte tawh kizui-in Elijah in suangtum sawm le nih la hi.

2 KHANG TANGTHU NIHNATE 9:19

kahlei cial guk mong ciatah khat ciat, humpinelkai sawm le nih ding hi. Kumpi gam khat peuhpeuhah tua tawh a kibang kibawl ngei lo hi.

Ezra 6:17

Amaute in Pasian’ biakinn apna-in bawngtal zakhat, tuutal zanih, le tuuno zali go uh a, mawhna hanga biak nadingin Israel-te khempeuh a dingin a minam phazah tawh kizui-in keeltal sawm le nih a pia uh hi.

Paikhiatna 15:27

Tua ciangin amaute ciktui sawm le nih le nisuh kung sawmsagih a omna mun Elim tung uh a, tui gei tua munah amaute in giahphual a sat uh hi.

Paikhiatna 24:4

Moses in Topa’ thugente khempeuh a gelh hi. Zingsangin amah tho baih a, mual bulah biakna tau khat lamin, Israel minam sawm le nihte tawh kituakin khuam sawm le nih a phut hi.

Paikhiatna 28:21

Israel tapate’ min tawh kituakin amaute’ min a omna suang sawm le nih om ding hi. Tuate pen minam sawm le nihte a dingin amau’ min ciat kigelhin, min gelhna tawh kibang ding hi.

Isaiah 65:17

“Tu-in vantung thakte le leitung thak ka piangsak hi. A beisa thute kiciamteh nawn lo ding a, kiphawkkha nawn lo ding hi.

Isaiah 66:22

Ka bawl ding vantung thak le leitung thak pen ahihleh keima mai-ah kip ding hi. Tua mah bangin na suan na khakte uh le na min uh kip ding hi, Topa in ci hi.

Siampi Laibu 24:5

“Nangmah in annel la inla, tua panin moh sawm le nih bawlin em in; moh khat ciangin annel lawh nih hi ding hi.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

Mattiu 19:27

Tua ciangin Peter in, “Kote in na khempeuh nusia-in nang ka hong zui uh hi. Tua ahih ciangin bang ngah ding ka hi uh hiam?” ci-in a dot ciangin

Mattiu 20:21

Jesuh in tua nupi kiangah, “Bang deih na hi hiam?” ci-in a dot ciangin amah in, “Kumpi-in na om ciangin hih ka tate khat na taklamah, khat na veilamah a tut nadingin thu pia lecin ka ut hi,” a ci hi.

Mattiu 25:31

“Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Marka 10:37

amaute in, “Minthangin kumpi tokhom tungah na tut ciangin na taklamah khat, na veilamah khat hong tusak lecin ka ut uh hi,” a ci uh hi.

Sawltak 3:21

Pasian in ama kamsang mi siangthote tungtawnin tanglai-in a genkholhsa bangin, na khempeuh a thakin a kibawl hun dong mateng vantungah Jesuh a om ding ahi hi.

2 TIMOTI NIHNA 2:12

Eite in gimna i thuak paisuakzawh leh amah tawh i ukkhawm ding hi. Amah i nial leh amah in zong eite hong nial ding hi.

Joshua 3:12

Tua ahih ciangin tu-in Israel minamte sung panin nam khat pan mi khat, mi sawm le nih teel un.

2 PETER NIHNA 3:13

Eite in Pasian’ hong ciamsa, thuman bekbek a kizat nading mun van thak le lei thak a ngak ihi hi.

Mangmuhna 11:16

Pasian mai-a a tokhom ciat uhah a tu upa sawmnih le lite zong mai pukin Pasian bia uh a,

Mangmuhna 12:1

Tua ciangin vanah lim lamdang lian khat hong kilang hi. Puan silh bangin ni silhin, a khe nuai-ah kha omin, aksi sawm le nih a kisuanna lukhu, a lu tungah a khu numei khat om hi.

Mangmuhna 20:4

Tua ciangin tokhom tungah a tu mi pawlkhat ka mu a, tua mite tungah thukhen nading aana a kipia ahi hi. Jesuh thu a genna le Pasian thu hangin a kithat mite’ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uhah ahi a, a khut tung uhah ahi zongin ganhing ciaptehna nei lo uh hi. Amaute hong hingkik uh a, Khrih tawh kum tulkhat sung ukna aana a neikhawm uh hi.

Mangmuhna 21:5

Tua ciangin tokhom tungah a tupa in, “Tu-in na khempeuh a thakin ka bawl hi,” ci hi. Tua ciangin, “Hih thute thumanin muantaak ahih manin lai-ah gelh in,” hong ci lai hi.

Mangmuhna 22:2

khuapi sung lampi laizangah a luang hi. Tua gun pang tuakah nuntakna singkung po a, kha simin gah ahih manin kum khat sungin sawm le nih vei a gah hi. A tehte zong natna dam nading zatui-in kizang hi.

Mangmuhna 22:5

Topa Pasian pen amaute’ khuavak hi-in, a tawntungin amaute in uk paisuak ding uh ahih manin khuamial hun cih om nawn lo ding a, khua a vaksak ding meivak le nitaang cihte kisam lo ding uh hi.

Mangmuhna 3:21

Keimah zong gualzo-in ka Pa’ tokhomah ka tutkhawm uh mah bangin a gualzote khempeuh zong kei tawh ka tokhom tungah hong tutkhawm theih nadingun thu ka pia ding hi.

Mangmuhna 4:4

Tua tokhom kimkotah tokhom sawmnih le li om a, tuate tungah puanpak silhin kham lukhu a khu upa sawmnih le lite tu uh hi.

Mangmuhna 7:4

Israel mite sung panin a nam namin Pasian’ ciaptehna tawh a taltang uhah a kiciamteh mi a vekpi-in 144,000 pha hi, ci-in hong kigen hi.