Mattiu 19:23 - Tedim Bible

²³ Tua ciangin Jesuh in a nungzuite kiangah, “A mantak a kong genin-ah: Mihau khat pen vantung ki-ukna sungah a lut ding haksa mahmah ding hi.

Tedim Bible Revision 2017

²³ Tua ciangin Jesu in a nungzuite kiangah, “A mantak a kong genin ah: Mihau khat pen vantung ki-ukna sungah a lut ding haksa mahmah ding hi.

Mattiu 19:23 Iomraidhean Croise

Paunak 11:28

Tuk lai-a singteh tam bangin midikte’ hauhna khang ding a, phalbi lai-a singteh pulh bangin hauhna a suangte kiam ding uh hi.

Mattiu 13:22

Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Mattiu 18:3

“A man mahmahin note kiangah kong genin-ah: Note kikheelin naupang na bat kei uhleh vantung ki-ukna sungah na lut ngei kei ding uh hi.

Mattiu 19:22

Tangvalpa in hih thu a zak ciangin, amah hau mahmah ahih manin, mai khingin a paikhia hi.

Mattiu 21:31

Hih tapa nihte sung panin a koi bel pen a pa’ deih bangin gamta ahi hiam?” a ci hi. Amaute in, “A ta uzaw a ta hi,” a ci uh hi. Tua ciangin Jesuh in amaute kiangah, “Note kiangah a mantak a kong genin-ah: Pasian’ ukna sungah note sangin siahdongte le numei paktatte lut masazaw ding hi.

Mattiu 5:20

Tua ahih manin Pasian’ deihna bangin gamtat nading thu-ah Thukham hilh siate le Farisi mite sangin na cihtakzawk uhleh vantung ki-ukna sungah a om thei bek ding na hi uh hi.

Marka 10:23

Jesuh in a kiima om a nungzuite enin amaute kiangah, “Pasian’ Ukna sungah mihaute a lut ding uh bangzah takin haksa ahi hiam?” a ci hi.

Luka 18:24

Jesuh in ama dahna a muh ciangin, “Pasian’ Ukna sungah mihaute a lut ding bangzah takin haksa ahi hiam?

Johan 3:3

Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

Johan 3:5

Jesuh in, “A mantakin kong genin-ah, mi khatpeuh tui le Kha Siangtho tawh a suahkik kei leh Pasian’ Ukna sungah lut thei lo ding hi.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

1 KORIN MASA 1:26

Sanggamte aw, Pasian in note hong sap laitakin na omzia uh ngaihsun un. Leitung mite’ hong muhna panin note a tamzaw, mipil na hi kei uh a, mi vanglian zong na hi kei uh a, mi thupi zong na hi kei uh hi.

Jeim 2:6

note in mizawngte na simmawhbawl uh hi. Note hong bawlsia-in thukhen zum hong tun pahpahte, mihaute hizaw uh hi.