Mattiu 19:21 - Tedim Bible

²¹ Jesuh in, “Mi cingtaak na hihnop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi.

Tedim Bible Revision 2017

²¹ Jesu in, “Mi cingtaak na hih nop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi.

Mattiu 19:21 Iomraidhean Croise

Piancilna 17:1

Abram kum sawmkua le kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Piancilna 6:9

Noah’ tangthu hih bang ahi hi. Noah a thuman mi khat hi a, ama khangah paubaang lo hi. Noah pen Pasian tawh kikhawl hi.

JOB (Job) 1:1

Uz gamah Job kici min nei mi khat a om hi. Tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah peel hi.

Late 37:37

Paubaang lo mi ciamteh inla, thutang mi en in; bang hang hiam cih leh gal a phuang lo mi a dingin nopna a om hi.

Mattiu 16:24

Tua ciangin Jesuh in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Mattiu 19:20

Tua ciangin tangvalpa in, “Hihte khempeuh ka zuihsa ahi hi; bang kisam lai ding ka hi hiam?” a cih ciangin

Mattiu 19:22

Tangvalpa in hih thu a zak ciangin, amah hau mahmah ahih manin, mai khingin a paikhia hi.

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 4:19

Jesuh in amaute kiangah, “Kei hong zui un; nga mat bangin pawl tampi a ngah thei mi kong suaksak ding hi,” ci hi.

Mattiu 5:48

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Mattiu 8:22

Jesuh in, “Nangmah in kei hong zui inla, misi bang ahi mite in misite a vui dingun nusiat in,” ci-in a dawng hi.

Mattiu 9:9

Tua lai mun panin Jesuh a paikhiat ciangin siahdongpa Matthai a zumah tu-in a om mu a, “Hong zui in,” a cih leh amah zong dingin a zuipah hi.

Marka 10:21

Tua ciangin Jesuh in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sumkhotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Marka 2:14

Tua bangin a paina-ah Alfeas tapa Levi, a siahdonna zumah tu-in a om a mu hi. Jesuh in ama kiangah, “Kei hong zui in,” a ci hi. Levi zong dingin Jesuh’ nung a zuipah hi.

Marka 8:34

Tua ciangin Jesuh in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Luka 12:33

Na neihsa uh zuak unla, mizawngte tungah tua sumte na pia un. Note a dingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei hetloh nading mun vantungah na sumte uh na khol un.

Luka 14:33

Tua mah bangin mi khat in a neih khempeuh a piakkhiat ngam kei leh keima nungzui suak thei lo ding hi.

Luka 16:9

“Note kiangah kong genin-ah, hih na leitung sum uh a bei ciangin tawntung nuntakna inn-ah hong kilutsak theih nadingin lawm zonna-in hih leitung sumte na zang un.

Luka 18:22

Jesuh in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Luka 5:27

Tua khit ciangin Jesuh paikhia a, siahdongpa Levi, a zumah a tu a mu hi. Jesuh in, “Kei hong zui in,” a ci hi.

Luka 6:40

Sang naupang khat a siapa sangin lianzaw ngei lo hi; a sin ding khempeuh a theihkhit ciangin a siapa tawh kikim pan bek ding hi.”

Luka 9:23

Tua ciangin Jesuh in a nungzuite le mi khempeuh kiangah, “Mi khatpeuh in kei hong zuihnop leh ama deihna bangin gamta nawn loin nisimin a singlamteh pua-in hong zui ding hi.

Johan 10:27

Keima tuute in ka aw za-in thei uh ahih manin kei hong zui uh hi.

Johan 12:26

Ka nasemte keima omna-ah a omtheih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Sawltak 2:45

Amaute in a neih a lamteng uh zuak uh a, a sumte pen amau kisapna tawh kizui-in amaute lakah a hawm uh hi.

Hebru 10:34

Note in a hoihzaw, a kipzaw nate a nei na hihlam uh kithei na hih manun thongkia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.