Mattiu 19:17 - Tedim Bible

¹⁷ Jesuh in, “Bang hangin bang hoih hiam cih thu hong dong na hi hiam? A hoih khat bek om hi. Nuntak tawntungna sungah na lutnop leh thukhamte na zui in,” ci-in a dawng hi.

Tedim Bible Revision 2017

¹⁷ Jesu in, “Bang hangin bang hoih hiam cih thu hong dong na hi hiam? A hoih khat bek om hi. Nuntak tawntungna sungah na lut nop leh thukhamte na zui in,” ci-in a dawng hi.

Mattiu 19:17 Iomraidhean Croise

Nehemiah 9:29

Tua hi a, na thukham lamah amaute hong kihei kikna ding limtakin na hilh a, ahi zongin amaute kihisakin na thupiaknate don lo uh hi. A zuite tungah nuntakna a pia thei ahi na ngeina kip tungah amaute khial uh hi. Lungkhauhin phengphi-in amaute kiheikhia uh a, thu mang nuam lo uh hi.

Late 119:68

Nangmah na hoih a, a hoih nate na sem hi. Na ngeina kipte kei hong hilh in.

Late 52:1

Mi thahatpa aw, bang hangin miphate suksiatna-ah kisial na hi hiam? Sunthapai-in, suksiatna na ngaihsunsun hi.

Ezekiel 20:21

“Ahi zongin a tate nangawn un kei hong dem uh hi. A zuite in nuntakna a ngahna ding ahi ka thukhamte palsatin ka thupiaknate mang lo uh a, Sabbath-te siasak uh hi. Tua ahih manin, ka hehnateng gamlakah thuaksak gawpin, amaute a sumai dingin ka kithawi hi.

Siampi Laibu 18:5

Tua ahih ciangin note in ka thukhamte le ka biakna ngeina kipte na zui ding uh hi. Tuate a zui mi peuhpeuh nungta ding hi. Kei pen Topa ka hi hi.

ROM (Romans) 10:5

Moses in a laigelhna sungah, “Thukham deihna bangin a gamtazo mi khempeuh a nungta ding hi,” ci-in Thukham zuihna hangin Pasian tawh kipawl theih nading thu a na gen hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

1 JOHAN MASA 4:16

Tua hi a, Pasian in eite a hong itna thu, eite mahmah in thei-in i um hi. Pasian pen ki-itna hi a, itna a nei mite pen Pasian tawh omkhawm uh a, Pasian zong amaute tawh a omkhawm hi.

1 SAMUEL MASA 2:2

“Topa bangin a siangtho kuamah dang om lo a, amah simloh kuamah dang om lo a, i Pasian tawh a kibang hong hu dang om lo hi.