Mattiu 19:14 - Tedim Bible

¹⁴ Jesuh in, “Vantung ki-ukna pen naupangte tawh a kibang mite a’ ding ahih manin, tua naupangte ka kiangah hong paipihsak unla, khaktan kei un,” a ci hi.

Tedim Bible Revision 2017

¹⁴ Jesu in, “Vantung ki-ukna pen naupangte tawh a kibang mite ading ahih manin, tua naupangte ka kiangah hong paipihsak unla, khaktan kei un,” a ci hi.

Mattiu 19:14 Iomraidhean Croise

Piancilna 21:4

Pasian in ama tunga a thu piaksa bangin amah in ni giat a phak ciangin a tapa Isaac a vun a at hi.

Mattiu 11:25

Tua ciangin Jesuh in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

Mattiu 18:3

“A man mahmahin note kiangah kong genin-ah: Note kikheelin naupang na bat kei uhleh vantung ki-ukna sungah na lut ngei kei ding uh hi.

Mattiu 19:15

Tua ciangin Jesuh in naupangnote tungah a khut nga-in thupha a piak khit ciangin a paikhia hi.

Mattiu 5:10

Pasian’ deihna bangin a gamtat manin bawlsiatna a thuak mite vantung ki-ukna sungah a omte ahih manin thupha ngah mi ahi uh hi.

Mattiu 5:3

“Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

Marka 10:14

Jesuh in tua thu a phawk ciangin a heh suak a, a nungzuite kiangah, “Naupangte kham kei unla, ka kiangah hong paisak un. Bang hang hiam cih leh Pasian’ Ukna sungah hih bang mite a om ahi hi.

Marka 10:15

Hih naupangno khat’ man’ bangin Pasian’ Ukna a mang lo mi peuhmah Pasian’ Ukna sungah om lo ding ahihna thei un,” a ci hi.

1 KORIN MASA 14:20

Sanggamte aw, na thu ngaihsutnate uhah naupang bang kei un. Gitlohna lamah naupang bang unla, ahi zongin thu ngaihsutna-ah a khangham hi ta un.

Thukhente 13:7

Ahih hangin amah in kei kiangah, ‘En in, nang gai-in tapa khat na nei ding hi. Tua ahih ciangin leenggahzu ahi a, khamtheihzu ahi zongin ne kei inla, a nin bangmah ne kei in. Bang hang hiam cih leh naupang pen a suah a kipan a sih dong Pasian’ tungah Nazir mi hi ding hi,’ hong ci hi,” a ci hi.

1 SAMUEL MASA 1:11

Amah in thuciamna khat bawlin, “Vanglian Topa aw, nangmah in na nasemnu’ gimna nong et takpi a, keimah hong phawkin na nasemnu hong mangngilh loin na nasemnu tungah tapa khat nong piak leh, Topa’ tungah a khan tawntungin amah kong pia ding a, ama lu-ah mulkiatna kitah lo ding hi,” a ci hi.

1 SAMUEL MASA 1:22

Ahih hangin Hannah paito lo hi. Bang hang hiam cih leh amah in a pasal kiangah, “Naungek nawi tawh a kikhen phetin Topa’ omna mai-ah kilakin tua lai-ah a om tawntung dingin ka paipih ding hi,” a ci hi.

1 SAMUEL MASA 1:24

Numei in amah nawi tawh a kikhensak khit ciangin kum thum a pha bawngtal khat, annel seu khat, le leenggahzu savun thawl khat tawh amah la-in, Shiloh-a Topa’ inn-ah amah a paipih hi.

1 SAMUEL MASA 2:18

Samuel pen saihadial siampipuan silhin Topa’ mai-ah na a sem naupang khat ahi hi.