Mattiu 19:10 - Tedim Bible

¹⁰ Tua ciangin a nungzuite in Jesuh kiangah, “Nupa thu tua bang ding ahihleh kiteng vet kei lehang hoihzaw ding hi,” a ci uh hi.

Tedim Bible Revision 2017

¹⁰ Tua ciangin a nungzuite in Jesu kiangah, “Nupa thu tua bang ding ahihleh kiteeng vet kei lehang hoih zaw ding hi,” a ci uh hi.

Mattiu 19:10 Iomraidhean Croise

Piancilna 2:18

Tua ciangin Topa Pasian in, “Mipa amah guak a om ding hoih lo hi. Ama a’ ding a kituak a huh ding ka bawlsak ding hi,” ci hi.

Paunak 18:22

Zi a muzote na hoih a mu hi a, Topa’ maipha a ngah ahi hi.

Paunak 21:19

A phun hat zi gilo tawh tenkhop sangin gam simthamah khat guak tangten’ hoihzaw hi.

Paunak 21:9

Phun bek a thei zi tawh inn sungah tenkhop sangin innkhumzang kiu khatah tangten’ hoihzaw tham hi.

Mattiu 19:11

Ahi zongin Jesuh in, “Hih ngeina pen mi khempeuh in a zuihzawh ding hi lo a, Pasian in a tuaci dingin a sehte bek in a zuizo ding uh ahi hi.

Mattiu 19:9

Note kiangah kong genin-ah: Mi khatpeuh in midang tawh a zi a mawhna lobuang, a zi a mak a, numei dang tawh a ten leh numei tunga mawh ahi hi,” ci-in a dawng hi.

1 KORIN MASA 7:8

Pasal nei nai lote le meigongte pen keimah bangin tanggawl om paisuak le-uh hoih ka sa hi.

1 TIMOTI MASA 4:3

Tua bang mite in zi neih le pasal neih ding le an pawlkhat nek ding hoih lo hi, ci uh hi. Ahi zongin thu umin, thuman thutak a thei mite in lungdamna ko-in a nek dingin Pasian in tua ante a bawl ahi hi.