Mattiu 18:22 - Tedim Bible

²² Jesuh in, “Sagihvei ciangbek maisak in kong ci kei hi. Sawm sagih mun sagihvei maisak in kong ci hi.

Tedim Bible Revision 2017

²² Jesu in, “Sagih vei ciang bek maisak in kong ci kei hi. Sawm sagih mun sagih vei maisak in kong ci hi.

Mattiu 18:22 Iomraidhean Croise

Piancilna 4:24

Kain a kithah manin a zah sagihin kithukkik ahihleh, Lamek a kithah manin a zah sawmsagihin kithukkik taktak ding hi,” a ci hi.

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

Micah 7:19

Kote nong khasiat kik ding a, ka mawhnate uh hong sawpkhiat sakin, tuipi taw-ah nong paihsak ding hi.

Mattiu 18:23

Bang hang hiam cih leh vantung ki-ukna zia pen a nasemte in sum bangzah a ba hiam, ci-in a sazian a en kumpipa’ hihna zia tawh kibang hi.

Marka 11:25

Thungen dingin na din uh ciangin midang tungah na hehna uh a om khat peuhpeuh maisak un; tua hileh vantungah a om na Pa un note’ mawhna hong maisak ding hi.

ROM (Romans) 12:21

Tua ahih manin gitlohna kizosak kei unla, a pha gamtatna tawh gitlohnate a zo na hi ta un.

Efesa 4:26

Na heh uh ciangin, tua hehna hangin khialkha kei unla, a tawntungin heh paisuak kei un.

Efesa 4:31

Kimuhdahna, hehna, thangpaihna, kitotna, kikona, kilungsim neihna khempeuh beisak unla,

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in note’ mawhna hong maisak bangin note zong khatlekhat na mawhna uh na kimaisak ding uh hi.

1 TIMOTI MASA 2:8

Mun khempeuhah a om pasal khempeuh in kuamah tawh kitotna le lungsim kinopmawhna nei hetloin, lungsim siangtho tawh a khut uh lamin thu a nget ding uh ka deih hi.