Mattiu 18:20 - Tedim Bible

²⁰ Bang hang hiam cih leh keima minin mi nih le thum bek nangawn a kikhopna peuhpeuhah kei ka om hi,” a ci hi.

Tedim Bible Revision 2017

²⁰ Bang hang hiam cih leh keima minin mi nih le thum bek nangawn a kikhopna peuhpeuh ah kei ka om hi,” a ci hi.

Mattiu 18:20 Iomraidhean Croise

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Paikhiatna 20:24

Note in keima a dingin lei tawh biakna tau khat bawl unla, tua tungah na meihal biaknate uh le thunuama na biaknate uh, na tuute uh le na bawngtalte uh pia un. Keima min a kiphawk nading munin ka bawlna peuhmahah note kiangah keimah hong pai-in note thupha kong pia ding hi.

Ezekiel 46:10

Gam uk ulianpa zong mihonte mah tawh lutin, amaute mah tawh pusuak khawm ding hi.

Zekhariah 2:5

Tua khuapi a hu dingin meikulh bangin Topa mahmah a omna ding, le tua khua sungah a minthanna tawh a tenna ding thu, Topa in kam ciamzo hi, ci-in va gen in,” a ci hi.

Mattiu 18:21

Tua ciangin Peter in Jesuh va naih a, “Topa aw, ka sanggamte khatpeuh ka tungah hong khialh ciangin bangzah vei maisak ding ka hi hiam? Sagihvei dongtak maisak ding ka hi hiam?” ci-in a dot ciangin

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Johan 20:19

Tua ni pen Nipi ni nitak lam hi a, nungzuite zong a nitakin innsung khatah a kikhop laitakun Jerusalem khua-a Jew mi uliante a kihtakna uh hangin inn a kikalhnelh uh hi. Tua bang hinapi-in amaute lakah Jesuh hong ding a, “Nopna ngah ta un,” ci-in a hopih hi.

Johan 20:26

Tua zawh nipikal khat ciangin nungzuite zong innsung khatah kikhawm leuleu uh a, tua hunin Thomas zong a om hi. Amaute kong kikhaknelh uh hinapi-in Jesuh hong pai-in amaute lakah hong ding a, “Nopna ngah ta un,” ci-in a hopih khit ciangin

Johan 8:58

Jesuh in, “A taktakin ci lehang, Abraham a pian’ ma-in kei ka omkhin hi,” ci-in a dawng hi.

1 KORIN MASA 5:4

Note na kikhop khawm uh ciangin i Topa Jesuh Khrih vangliatna in eite hong ompih ahih manin, note tawh ka lungsimin ka hong omkhawm hi.

1 THESALONIKA MASA 1:1

Keimah Paul, le Silas, le Timoti in Pa Pasian le Topa Jesuh Khrih sungah a om Thesalonika khua-a om pawlpi mite tungah lai ka hong khak uh hi. Pasian in note tungah dikna le nopsakna thupha hong tungsak tahen.

Filemon 1:2

le na inn-ah a hong kikhawm pawlpite le i sanggamnu Apfia le thu upna-ah galkap khawmpih Arkhippas-te tungah lai ka hong khak uh hi.

Mangmuhna 2:1

“Efesa khua-a pawlpi vantungmi kiangah lai gelh inla, a taklam khutah aksi sagih tawi-in, kham kibawl meivakna lakah a pai kawikawi Jesuh’ thugenna hih bang ahi hi:

Mangmuhna 21:3

Tokhom panin nakpitakin awging khat ka za a, “Tu-in Pasian omna inn pen mite tawh omkhawm ta hi. Pasian in amaute ompih ding a, amaute pen ama mite hi ding uh hi. Pasian mahmah amaute tawh omkhawm ding a, amah pen amaute’ Pasian hi ding hi.