Mattiu 18:16 - Tedim Bible

¹⁶ Ahi zongin na thu uh a hong mannop kei leh, Lai Siangtho sungah, ‘Mi nih ahih kei leh mi thum’ theihna bek tawh mawhsakna khat peuhpeuh man pan hi,’ a cih mah bangin midang khat ahi a, nih ahi zongin tonpih un.

Tedim Bible Revision 2017

¹⁶ Ahi zongin na thu uh a hong man nop kei leh, Lai Siangtho sungah, ‘Mi nih ahih kei leh mi thumʼ theihna bek tawh mawhsakna khat peuhpeuh man pan hi,’ a cih mah bangin midang khat ahi a, nih ahi zongin tonpih un.

Mattiu 18:16 Iomraidhean Croise

1 KUMPI MASATE 21:13

Tua ciangin mi ginalo nihte hong pai-in ama mai-ah tu uh hi. Tua ciangin mi ginalo nihte in mite’ omin Naboth’ mawhna zong uh a, “Naboth in Pasian le kumpipa samsia hi,” a ci uh hi. Tua ahih ciangin amaute in khuapi pualamah amah paipih uh a, suang tawh amah denglum uh hi.

Gamlak-vakna 35:30

Khatpeuh in mi khat a thah leh, tecite’ genna siksanin mi that pa kithat ding hi. Ahih hangin teci khat bek’ teci panna siksanin kuamah kithat lo ding hi.

Johan 8:17

Na Thukham sung uhah zong, ‘Thu khat peuhpeuhah mi nih in a manna teci pangin a gen leh a genna uh thuman hi,’ ci-in na kigelh ahih mah bangin,

2 KORIN NIHNA 13:1

Tu-a ka hong pai nading pen a thumveina hita hi. Lai Siangtho sungah, “Mawhna a bawl khat peuhpeuh a thei mi nih le thum a om ciang bekin a mawh hi, ci-in kingaihsun pan ding hi,” ci-in a kigelh mah bangin tua bangin ka hong sem ding hi.

Thu-hilhkikna 17:6

Teci nih ahih kei leh thum bang genna tawh a si ding pa kithat ding a, teci khat bek thugenna tawh mi kithat lo ding hi.

Thu-hilhkikna 19:15

“Mi khat in a hihkhak mawhna lian ahi a, khialhna khat peuhpeuh a gamtatna-ah ahi zongin tua mipa’ langah teci khat guak kicing lo ding a, teci nih ahih kei leh teci thum bang thugenna tawh mawhsakna kikipsak bek ding hi.

1 TIMOTI MASA 5:19

Upa khat peuhpeuh a mawhsak mi nih le thum a om kei buang leh thu-in na sim kei in.

Hebru 10:28

Moses Thukham a zui lote pen mi nih le thum in mawh mah hi, ci-in teci a pan’ khit nakleh kihehpih hetloin sihna kithuaksak hi.

Mangmuhna 11:3

Ka teci nihte puanhampi silhin ka paisak ding a, amaute in ni tulkhat zanih sawmguk sung Pasian’ thu a gen ding uh hi,” hong ci hi.