Mattiu 18:15 - Tedim Bible

¹⁵ “Na sanggamte uh na tung uhah hong khialh leh pai-in no tegel bek theihin a khialhna va gen un. Na thu uh a hong man’ leh na sanggampa uh a ngahkik na hi uh hi.

Tedim Bible Revision 2017

¹⁵ “Na sanggamte uh na tung uh ah hong khialh leh pai-in no tegel bek theihin a khialhna va gen un. Na thu uh a hong man leh na sanggampa uh a ngahkik na hi uh hi.

Mattiu 18:15 Iomraidhean Croise

Late 141:5

Mipha pa kei hong vuasak inla, ahih hangin migilote ka lu sathau nilhsak kei in; bang hang hiam cih leh amau’ gitloh gamtatnate nakpitakin langpangin thu ka ngenngen hi.

Paunak 11:30

Midikte a khansau a, migilote khansih hi.

Siampi Laibu 19:17

“Note in na lungsim sung uhah na sanggampa uh na mudah kei ding uh a, na vengte uh tawh thu na kituah lohna uh kikum khawmin na siangsak ding uh hi; tua hikeileh ama hangin khialhna na pua ding uh hi.

Mattiu 18:14

Tua mah bangin vantungah a om na Pa un hih naupangnote khat zong a sih ding a deih kei hi.

Mattiu 18:21

Tua ciangin Peter in Jesuh va naih a, “Topa aw, ka sanggamte khatpeuh ka tungah hong khialh ciangin bangzah vei maisak ding ka hi hiam? Sagihvei dongtak maisak ding ka hi hiam?” ci-in a dot ciangin

Mattiu 18:35

“Tua mah bangin note in zong na lungsim uhah na sanggamte uh mawhna na maisaknop kei uhleh vantungah a om ka Pa in note tungah zong tua bangmahin a hong bawl ding ahi hi,” a ci hi.

ROM (Romans) 12:21

Tua ahih manin gitlohna kizosak kei unla, a pha gamtatna tawh gitlohnate a zo na hi ta un.

1 KORIN MASA 8:12

Tua bangin lungsim thaneemte gimsakin, thu upna sungah na sanggamte uh tungah na khialh uh ciangin Khrih tung mahmahah a khial na hi uh hi.

2 KORIN NIHNA 7:12

Tua bangin lai ka hong gelh hangin a khial pa ahih kei leh a thuak pa ngaihsutna tawh hong gelh hi lo zaw-in, Pasian’ thu sungah kote’ thu bangzahin na hong mang uh hiam cih a kitheih nadingin a hong gelh ka hizaw uh hi.

Galati 6:1

Sanggamte aw, mi khatpeuh a gamta khial a om ciangin, Kha Siangtho’ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuahkhak loh nadingun na kikem un.

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in note’ mawhna hong maisak bangin note zong khatlekhat na mawhna uh na kimaisak ding uh hi.

1 THESALONIKA MASA 4:6

Hih bang thute-ah kuamah in Khrih sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauhtakin note kiangah ka hong genkhol khinzo uh hi.

2 THESALONIKA NIHNA 3:15

Ahi zongin amah galbawl kei unla, thu uppih mi khat hihna tawh hilhbawl zaw un.

Titu 3:10

Kitot, kikhen nading a piangsak mite pen khatvei nihvei bang na hilh khit ciangin kisukha nawn vet kei in.

1 PETER MASA 3:1

Tua mah bangin zite aw, na pasalte uh Pasian thu um lo ahihkhak leh na gamtatna hangun Pasian thu a uptheih nadingun na pasalte uh thu na mang un. Kampau kul sese loin,