Mattiu 17:6 - Tedim Bible

⁶ Nungzuite in hih awging a zak uh ciangin leilakah boksuk uh a, lamdang a sa mahmah uh hi.

Tedim Bible Revision 2017

⁶ Nungzuite in hih awging a zak uh ciangin leilak ah bok suk uh a, lamdang a sa mahmah uh hi.

Mattiu 17:6 Iomraidhean Croise

1 KHANG TANGTHU MASATE 21:16

Tua ciangin David khuadak to a, leitung le vantung kikalah Topa’ vantungmi dingin, a khut sungah a kidoksa namsau khat omin Jerusalem tungah a zan mu hi. Tua ciangin David le a upate puanhampi silhin maipuk uh hi.

Ezekiel 3:23

Tua ahih manin kei zong kuam sungah ka va pai a, Khebar Gun gei-a ka muh bang teek mahin tua lai-ah Topa’ minthanna vang ka mu hi. Kei zong lei-ah ka boksuk a,

Ezekiel 43:3

Hih ka maangmuhna pen, Pasian in Jerusalem khuapi a susia dingin a pailai a ka muh leh Khebar Gun gei-a ka muh tawh kibang hi. Tua ciangin thakhatin leilak kidenna-in ka boksuk hi.

Daniel 8:17

Gabriel hong pai-in ka kiangah hong ding a, laulua mahmah ka hih manin leitungah ka puk hi. Amah in, “Leitung mi aw, a khiatna thei in. Maangmuhna pen hun beina ding lahna ahi hi,” ci-in ka kiangah a hong gen hi.

Siampi Laibu 9:24

Topa’ mai panin mei hong piangkhia-in meihal biakna le biakna tau tunga om sathau a kang hi. Mi khempeuh in a muh uh ciangin awng uh a, lei maingatin a kunsuk uh hi.

Mattiu 17:5

Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 17:7

Ahi zongin Jesuh hong pai-in amaute va lawng a, “Tho un, lau kei un,” a va ci hi.

Sawltak 22:7

Leilakah pukin ka om laitakin awging khat ka za a, ‘Saul, Saul! Bang hangin kei hong bawlsia na hi hiam?’ hong ci hi.

Sawltak 26:14

Ka vekpi-un leilakah ka puk uh a, tua laitakin kei kiangah Hebru pau tawh thu hong kigen a, ‘Saul, Saul aw, bang hangin kei hong bawlsia na hi hiam? Bawngtal in a hawlte’ ciangzum peek le na a sakzawk bangin kei’ thu nong nial manin nang a dingin nazaw hi,’ hong ci hi.

2 PETER NIHNA 1:18

Mual siangtho tungah amah tawh ka omkhawm laitakun vantung panin hong ging awte komau mahmah in ka za uh hi.

Thukhente 13:20

Biakna tau panin vantung lamah meikuang a paitoh ciangin, Manoah le a zi in a et laitakun biakna tau meikuang sungah Topa’ vantungmi kahto hi. Tua ciangin amaute leilakah a bok uh hi.

Thukhente 13:22

Manoah in a zi kiangah, “Pasian mu khin ihih manin i si taktak ding hi,” a ci hi.