Mattiu 17:5 - Tedim Bible

⁵ Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Tedim Bible Revision 2017

⁵ Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 17:5 Iomraidhean Croise

JOB (Job) 38:1

Tua ciangin huihpi lak panin Topa in Job tungah thu hong gen a,

Late 81:7

Na cihmawh uh ciangin kei na hong sam uh a, keimah in note ka hong honkhia hi. A kilang lo vanging sung panin note ka hong dawng a, Meribah tui phualte-ah note ka hong ze-et hi.

Paikhiatna 19:19

Peengkul aw a nak gin’ semsem laitakin Moses pau a, Pasian in vanging sungah amah dawng hi.

Isaiah 42:1

Keimah in ka huh, ka teel, ka lungkimna ka nasempa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Isaiah 42:21

Topa pen a honkhia nuam mahmah Pasian hi a, ama thuhilhnate limtakin a kizuih ding a deih hi.

Mattiu 12:18

“Keimah in ka teelsa ka nasempa, ka it mahmah, ka lungkimna pa en un. Keima Kha ama tungah ka pia ding a, Gentail mite tungah upna man a pulak ding hi.

Mattiu 17:6

Nungzuite in hih awging a zak uh ciangin leilakah boksuk uh a, lamdang a sa mahmah uh hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Marka 1:11

Vantung panin aw khat hong ging a, “Nang pen ka it mahmah ka Tapa na hi a, nang tungah ka lungkim mahmah hi,” a ci hi.

Marka 9:7

Meii hong kai-in a liim in amaute hong liah a, tua meii sung panin aw khat hong gingin, “Hih pa, ka it ka Tapa ahi hi; ama thu na ngai un,” a hong ci hi.

Luka 3:22

vakhu pumpi lim nei-in Kha Siangtho ama tungah hong kumsuk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 3:35

Pa in Tapa it ahih manin ama khut sungah na khempeuh a pia hi.

Johan 5:37

Tua ban panin kei a hong sawl Pasian in zong keima a dingin teci a pang hi. Note in Pasian’ sawl pa’ thu um lo na hih manun Pasian’ aw lah za ngei lo, a maitang lah mu ngei lo, na lungsim uhah zong ama thu a ciing lo na hi uh hi.

Sawltak 1:9

Hih thu a genkhit ciangin amaute’ muhtangpi mahin vanah Jesuh kilato a, meiipi in liah ahih manin amah mu thei nawn lo uh hi.

Sawltak 7:37

Hih Moses pen Israel mite tungah, ‘Pasian in kei hong sawl mah bangin, i mipihte sung mah panin note a’ ding kamsang khat hong sawl ding hi,’ a ci pa ahi hi.

Efesa 1:6

Ama it Tapa hangin hih bangin letsong hong pia ahih manin ama hong hehpihna hangin Pasian phat ni.

Thu-hilhkikna 18:15

“Topa na Pasian un note lak ahi na sanggamte uh lak panin note a dingin kei tawh a kibang kamsang khat hong khangsak ding hi. Note in ama thu na ngai ding uh hi.

Thu-hilhkikna 18:19

Amah in keima min tawh a gen ka thute a don lo mi peuhmahte kei mahmah in ka thuk ding hi.

Thu-hilhkikna 5:22

“Topa in mei, meii, le a mial mahmah sung panin awging lianpi tawh mualtung a no a kikhawm khempeuh tungah hih thute hong gen a, amah in bangmah dang genthuah lo hi. Amah in suangpek nih tungah tuate gelhin, tua suangpeekte kei tungah hong pia hi.

Kolose 1:13

Amah in khuamial vangliatna panin eite hong honkhia-in, a lungmuanhuaina mun, a it a Tapa’ ukna sungah hong koih a,

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

Mangmuhna 1:7

En un, amah hong paita ding a, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

Mangmuhna 14:14

Tua ciangin ka khuadak leh meiipi a bang a kang biakbuak om a, tua meiipi tungah mihing tawh a kibang khat tu-in, kham lukhu khu-in, a khutah phiaukawi hiam khat a tawi ka mu hi.