Mattiu 17:27 - Tedim Bible

²⁷ Ahi zongin amau’ nasepna a nawngkaisak i suahkhak loh nadingin tuili-ah nga siahna sikkawi va khia inla, a awk masa penpen hong kaikhia in. Tua a ngasa kam sung en lecin dangka tang peek khat na om ding hi. Tua sum la inla, ei tegel a dingin biakinn siah va pia in,” a ci hi.

Tedim Bible Revision 2017

²⁷ Ahi zongin amauʼ nasepna a nawngkaisak i suahkhak loh nadingin tuili ah nga siahna sikkawi va khia inla, a awk masa penpen hong kai khia in. Tua a ngasa kam sung en lecin dangka tang peek khat na om ding hi. Tua sum la inla, ei tegel adingin biakinn siah va pia in,” a ci hi.

Mattiu 17:27 Iomraidhean Croise

Piancilna 1:28

Pasian in amaute thupha pia a, Pasian in amaute tungah, “Ci pha-in tampi pha unla, leitung dimin zo un. Tuipi ngasate tung, leitungah a gamtang, a nungtate khempeuh tungah ukna nei ta un,” a ci hi.

1 KUMPI MASATE 17:4

Nangmah in lui panin tui na dawn ding hi. Tua lai-ah nangmah a hong vak dingin va-akte thu ka piazo hi,” a ci hi.

Late 8:8

huih lak a leng vasate, tui sunga om ngasate, tui, lampi-a a tawn khempeuhte, na khempeuh ama khenuai-ah na koih hi.

Jonah 1:17

Ahih hangin Jonah a nawmvalh dingin Topa in ngapi khat a geelkholhsa hi a, tua ngapi’ gil sungah Jonah sun thum le zan thum sung a om hi.

Jonah 2:10

Tua ciangin Topa in tua ngapi sawl a, amah in lei keu tungah Jonah a luakhia hi.

Mattiu 17:26

Peter in, “Midangte tung panin siah a kai uh hi,” ci-in a dawng hi. Tua ciangin Jesuh in, “Tua ahihleh siah piak ding panin a tate a peng ahi hi.

Mattiu 18:6

“Ahi zongin kei a hong um hih naupangnote khatpeuh a khialsak mi pen a ngawngah an gawina suang lianpi khat kikhihin tuipi thuk sungah kikhiasuk le ama a dingin hoihzaw thampek ding hi.

Mattiu 18:8

“Na khut ahi a, na khe in ahi zongin hong khialhsak leh sattan inla paikhia in. Meikuang tawntung sungah khut kim khe kimin hong kikhiat sangin nuntakna sungah khut sam khe samin lut lecin nang a dingin hoihzaw ding hi.

Mattiu 5:29

Tua ahih manin na mit taklam in na mawh nading hong piansak leh khelkhia inla paai in. Na pumpi bupin hell khuk sungah hong kikhul sangin na pumpi na khat pelem leh nang a dingin hoihzaw lai hi.

Mattiu 5:30

Na taklam khut in na mawh nading hong piansak leh sattan inla paai in. Na pumpi bupin hell khuk sungah hong kikhul sangin na pumpi na khat pelem leh nang a dingin hoihzaw lai hi.

Marka 9:42

Jesuh in, “Mi khatpeuh in kei hong um hih naupangno khat a khialsak ding ahihleh a ngawngah an gawina suang lianpi khat kikhihin tuipi sungah kikhia leh ama a dingin hoihzaw thampek hi.

Marka 9:43

Tua ahih manin na khut in hong khialhsak leh sattan in. Mei a mih ngei lohna hell khuk sungah khut kim tawh na lut sangin khut langkhat bui-in nuntakna sungah lut lecin nang a dingin hoihzaw hi.

Luka 17:2

Hih naupangno khat a khialh nading a piansak sangin a ngawngah an gawina suang lianpi khat khihin tuipi sungah kikhia leh ama a dingin hoihzaw thampek ding hi.

Johan 6:61

Ahi zongin Jesuh in hih thu-ah a nungzuite’ phunna thei ahih manin, “Hih ka thugenna in note hong lungkiasak ahi hiam?

ROM (Romans) 14:21

Midangte in a puklawh theih annekna, zunekna, le na khat peuhpeuh i kikep ding a man pen ahi hi.

1 KORIN MASA 8:13

Tua ahih manin nekna in thu upna sungah ka sanggamte khat a khialsak ding ahihleh, amah a pukkhak loh nadingin milim biakna sa ka ne ngei het kei ding hi.

1 KORIN MASA 8:9

Ahi zongin note’ utbangin gamtat theih nading thu na neihna uh hangin upna a neu laite a puksak na suahkhak loh nadingun hoihtakin kidawm un.

2 KORIN NIHNA 6:3

Ka nasepna uhah mite in mawhna hong zon ding uh ut lo ka hih manun kuamah ka nawngkaisak khak loh nadingun ka hanciam uh hi.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

1 THESALONIKA MASA 5:22

a sia lamsang peuhmah pelh un.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,