Mattiu 17:17 - Tedim Bible

¹⁷ Jesuh in, “Upna nei lo, a ngaihsun khial mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Tedim Bible Revision 2017

¹⁷ Jesu in, “Upna nei lo, a ngaihsun khial mite aw, note bang tanvei hong ompih dinga, bang tanvei hong kikholh pih ding ka hi hiam? A naupang hong paipih un,” a ci hi.

Mattiu 17:17 Iomraidhean Croise

Late 95:10

Kum sawmli sung tua minam ka kih a, “Amaute pen a lungsim uhah a khial mi hi a, amaute in ka thupiakte mang lo uh hi,” ka ci hi.

Paikhiatna 10:3

Tua ahih ciangin Faro’ kiangah Moses le Aaron pai-in ama kiangah, “Hebru mite’ Pasian, Topa in hih bangin ci hi: ‘Ka mai-ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

Paikhiatna 16:28

Topa in Moses kiangah, “Ka thupiakte le ka thute zuih ding bang tanvei nial ding na hi uh hiam?

Paunak 1:22

“Mihaite aw, bang tanvei hai omom nuam na hi uh hiam? Bang tanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Paunak 6:9

Thadahpa aw, bang tanvei lumlum ding a, cik ciangin thokhia ding na hi hiam?

Isaiah 19:14

Topa in amaute’ lungsim kitukalhsak khinzo hi. Zukham pa ama luak lakah a puk bangin Egypt gam mite’ hihna khempeuh khialin hoimang khin hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawpkhia in. Na sungah gitlohna lungsim bang tanvei kemcip ding na hi hiam?

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amaute’ lakah ka hihsa limte om napi-in, amaute in bang tanvei hong um lo lailai ding ahi uh hiam?

Gamlak-vakna 14:27

“Hih a gi lo mihonte in bang tanvei kei hong phunsan ding uh ahi hiam? Israel mite in kei hong phunsanna ka za khin hi.

Mattiu 13:58

Nazareth khuamite in amah a up lohna hangin tua khua-ah nalamdang tampi a bawl kei hi.

Mattiu 16:8

Jesuh in hih amaute’ kihona thu thei ahih manin, “Upna neu mite aw, anlum na puak loh manun bang hangin kikum na hi uh hiam?

Mattiu 17:16

Na nungzuite kiangah ka paipih hangin amaute in damsak thei lo uh hi,” a ci hi.

Mattiu 17:18

Jesuh in tua naupang’ sung panin dawi a paikhiat nadingin thu pia a, a naupang thakhatin a dampah hi.

Mattiu 6:30

Tua ahih ciangin tuni-in hingin, a zing ciang mahin meikhukah a kikhultum lel hih gamlak lopate Pasian in puansilh guan ahihleh note hong lim guatzaw ding ahih manin na upna uh a neu mahmah ahi hi.

Mattiu 8:26

Jesuh in, “Bang hangin tuaci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Marka 16:14

(Tua khit ciangin a tawpna-ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu mite’ thugen um lo uh ahih manin a lungkhauhna uh le a up lohna hangun amaute a taii hi.

Marka 9:19

Jesuh in amaute kiangah, “Upna nei lo mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Luka 24:25

Tua ciangin Jesuh in amau tegel kiangah, “Bangzah takin hai a, bang dingin kamsangte’ thugen um thei lo na hi uh hiam?

Luka 9:41

Jesuh in, “Note in bangzahin upna nei lo a, bangzahin khial na hi uh hiam? Note bang tanvei hong ompih ding a, bang tanvei hong kikholhpih ding ka hi hiam?” a ci hi. Tua ciangin a mipa kiangah, “Na tapa hong paipih in,” ci-in a dawng hi.

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Umlah nawn kei inla, um taktak in,” a ci hi.

Sawltak 13:18

kum sawmli sung gam sungah amaute na ompih kenkon hi.

Sawltak 2:40

Tua ciangin Peter in amaute tungah thu tampi genthuahin hanthawn a, “Hih migilote’ gimthuak ding na tuahkhak loh nadingun nomau mah in na suahtak nading uh lampi zong ciat un,” a ci hi.

2 KORIN NIHNA 11:1

Ka hai ahi phial zongin ka haina mah hong thuakpih le-uhcin ka ut hi. Hong thuakpih taktak ta un.

Thu-hilhkikna 32:5

Ama tungah amaute gamtat sia uh a, amaute’ sitbaanna hangin ama tate hi nawn lo uh hi. Amaute pen a lampial, a lungsim kawi khang mite ahi uh hi.