Mattiu 17:1 - Tedim Bible

¹ Tua zawh ni guk ciangin Jesuh in Peter, James le a nau Johan-te samin mual sang khat dawnah a tuamin a paipih hi.

Tedim Bible Revision 2017

¹ Tua zawh ni guk ciangin Jesu in Peter, James le a nau Johan-te samin mual sang khat dawnah a tuamin a paipih hi.

Mattiu 17:1 Iomraidhean Croise

Mattiu 17:2

Tua lai mun panin amaute’ muhtangpi mahin Jesuh a mel kikheel a, a maitang ni bangin taangin, a puante khuavak bangin a ngo hi.

Mattiu 26:37

Tua ciangin Peter le Zebedi tapa tegel tonpih a, dahin a lunggim hun ding a kipan hi.

Marka 13:3

Biakinn galkhatah a om Oliv Mual tungah Jesuh tu-in a om laitakin Peter, James, Johan, le Andru hong pai-in amauteng guak a om laitakin,

Marka 5:37

Tua lai panin Jesuh in Peter le James le a nau Johan longal kuamah dang kizuisak nawn lo hi.

Luka 8:51

Tua inn-ah Jesuh a tun ciangin Peter, Johan, le James le numeino’ nu le pa simloh kuamah dang, inn sungah zuisak lo hi.

2 KORIN NIHNA 13:1

Tu-a ka hong pai nading pen a thumveina hita hi. Lai Siangtho sungah, “Mawhna a bawl khat peuhpeuh a thei mi nih le thum a om ciang bekin a mawh hi, ci-in kingaihsun pan ding hi,” ci-in a kigelh mah bangin tua bangin ka hong sem ding hi.

2 PETER NIHNA 1:16

I Topa Jesuh Khrih a vangliatna le a hong paikik nading thute note kiangah ka hong gen uh ciangin mihingte’ phuahtawm tuanthute siksanin a hong gen hi loin, ka mit mahmah uh tawh ka muh uh a vangliatnate a hong gen ka hi uh hi.

2 PETER NIHNA 1:18

Mual siangtho tungah amah tawh ka omkhawm laitakun vantung panin hong ging awte komau mahmah in ka za uh hi.