Mattiu 16:3 - Tedim Bible

³ Zingsang hun ciangin, ‘Van sanin khua niim ahih manin guah zu ding hi,’ na ci thei uh hi. Note in van maitang na et uh ciangin khua pha ding le khua sia ding khenthei napi-in tuhun thute na theithei kei uh hi.

Tedim Bible Revision 2017

³ Zingsang hun ciangin, ‘Van sanin khua niim ahih manin guah zu ding hi,’ na ci thei uh hi. Note in van maitang na et uh ciangin khua pha ding le khua sia ding khen thei napi-in tu hun thute na theithei kei uh hi.

Mattiu 16:3 Iomraidhean Croise

1 KHANG TANGTHU MASATE 12:32

Issakhar mi: Amaute sung panin Israel in bang a sep dingin kilawm cih a thei, hun paizia a thei ukpi zanih le amau’ ukna nuai-ah a om amau’ behte khempeuh ahi uh hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Mattiu 15:7

Na tungthamun mihoih a kineihkhem mite aw, Isaiah in note’ thu a genna man mahmah hi. Tua a genna-ah,

Mattiu 22:18

Ahi zongin Jesuh in amau’ gitloh geelna thei ahih manin, “Mihoih a kineihkhem mite aw, bang hangin kei hong thangsiah se na hi uh hiam?

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Mattiu 7:5

No a kineihkhem mite aw, note’ mit sunga singluang tang lakhia masa le-uhcin, na lawmte uh mit sunga ninthem tang na lakkhiat theihna dingun hoihtakin khua na mu thei pan ding uh hi.

Luka 11:44

A kiciamteh lo hankhuk, mite in a theih loh manun a va sikkhakna munte tawh na kibang uh hi,” a ci hi.

Luka 12:56

No a kineihkhem mite aw, vanlelei na et uh ciangin a piang ding thu thei na hih uhleh, tuhun thute bang hangin theithei lo na hi uh hiam?” a ci hi.

Luka 13:15

Tua ciangin Topa in amah dawng a, “No a kineihkhem mite aw, note in Sabbath ni mahin zong na bawngte uh ahi a, na late uh ahi zongin a buk panin na khihna khaute uh sutin, tui pia dingin paipih hi lo na hi uh hiam?

Hebru 5:14

Ahi zongin antak i cih pen a sia le a pha a khenthei, a lim le a lim lo a khentheita, a khangham khinsa mite a’ ding ahi hi.