Mattiu 16:28 - Tedim Bible

²⁸ Hih lai-a a om mi pawlkhatte a sih ma-in Mihing Tapa, Kumpi-in hong pai ding ahih lamtak phawkkhial kei un,” a ci hi.

Tedim Bible Revision 2017

²⁸ Hih lai-a a om mi pawl khatte a sih ma-in Mihing Tapa, Kumpi-in hong pai ding ahih lamtak phawk khial kei un,” a ci hi.

Mattiu 16:28 Iomraidhean Croise

Mattiu 10:23

Khua khatah note hong kibawlsiat leh khuadang khatah tai un. Note kiangah kong genin-ah: Israel khua khempeuh na khit ma-un Mihing Tapa hong pai ding hi.

Mattiu 16:13

Sisaria Filippi gam a tun uh ciangin Jesuh in a nungzuite kiangah, “Mite in Mihing’ Tapa kei kua hi hong ci uh ahi hiam?” ci-in a dong hi.

Mattiu 24:3

Oliv Mual tungah Jesuh tu-in a om laitakin a nungzuite guak a tuamin hong pai uh a, “Hih thute cik ciangin hong piang ding a, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Mattiu 24:34

A mantak a kong genin-ah: Hih lai-a a om mite a sihkhit ma-in hih ka thugen khempeuh hong tung ding hi.

Mattiu 24:42

Tua ahih ciangin bang hunin na Topa uh hong pai ding cih thei lo na hih manun na pilvang un.

Mattiu 26:64

Tua ciangin Jesuh in, “Nangmah in tua mah na ci khin hi. Ahi zongin note khempeuh kiangah ka hong genin-ah: Vanglianpa’ taklamah Mihing Tapa omin meii tungah a hong pai na mu ding uh hi,” a ci hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Marka 13:26

Tua ciangin Mihing Tapa, vangliatna le minthanna tawh meii lakah a hong paisuk kimu ding hi.

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Pa’ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Marka 9:1

Tua ciangin Jesuh in a thugen zomlai a, “Hih lai-a a om mi pawlkhatte a sih ma-in vanglianpi tawh Pasian’ Ukna hong tung taktak ding ahihna thu phawk un,” a ci hi.

Luka 18:8

Ke’n kong cihin-ah, amaute’ thu a manin manlang takin khensak ding hi. Ahi zongin Mihing Tapa hong pai ciangin leitungah amah a um mi a mu ding hiam?” ci-in a genthuah hi.

Luka 2:26

Topa’ hong ciamsa Khrih a muh matengin a sih loh nading thu zong ama tungah Kha Siangtho in na genkhin hi.

Luka 9:27

Ke’n kong cihin-ah, hih lai-ah a om mi pawlkhatte in Pasian’ Ukna a muh khit uh matengin si lo ding uh ahihna phawk un,” a ci hi.

Johan 21:22

Jesuh in, “Ka hong paikik mateng amah a nungta dingin ka deih nakleh nang bang phamawh sa na hi hiam? Nangmah in ka nung hong zui peuh in,” ci-in a dawng hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

Sawltak 1:11

“Galilee mite aw, bang hangin vantung lam enin ding niloh na hi uh hiam? Note kiang panin vantungah a kilato hih Jesuh pen, vantungah a paitoh na muh uh bang teekteek mahin khatvei hong paisuk kik ding hi,” a ci uh hi.

1 KORIN MASA 15:23

Ahi zongin tua hinkikna pen ama hun tawh kizui-in a banbanin hi ding hi. A masa penin Khrih hi a, Khrih hong paikik ciangin ama pawlte khempeuh hingkik ding hi.

1 THESALONIKA MASA 1:10

a hong tung ding Pasian’ hehna panin eite a hong honkhia, sihna panin Pasian in a thawhsakkik a Tapa Jesuh, van panin a hong pai ding ngak dingin milim paisanin Pasian’ lamah na kiheina uh thute mi khempeuh in gen belin a nei uh hi.

Hebru 2:9

Ahi zongin Pasian’ hehpihna hangin mi khempeuh a dingin Jesuh a sih theih nadingin tawlkhat sung vantung mite sangin a neuzaw-in a kibawlna i mu a, sihna a thuakna hangin minthanna le pahtawina a ngahna thu i thei hi.

Jeim 5:7

Tua ahih ciangin sanggamte aw, Topa hong pai matengin lungduai takin om un. Lo khote in zong a lo panun an a ngahtheih nadingun lungduai takin khuapi guah le tuk guah a ngakna thu thei un.

2 PETER NIHNA 1:16

I Topa Jesuh Khrih a vangliatna le a hong paikik nading thute note kiangah ka hong gen uh ciangin mihingte’ phuahtawm tuanthute siksanin a hong gen hi loin, ka mit mahmah uh tawh ka muh uh a vangliatnate a hong gen ka hi uh hi.

1 JOHAN MASA 2:28

Ka itte aw, Khrih hong kilatkik ciangin lungmuang takin i omtheih nading le ama hong pai Ni ciangin i bukbuk loh nadingin amah tawh kiptakin kipawl ni.