Mattiu 16:21 - Tedim Bible

²¹ Tua hun a kipanin Jesuh in a nungzuite kiangah, “Jerusalem khua-ah ka pai ding hi. Upate, siampi liante, le Thukham hilh siate tung panin gimna tampi ka thuak ding hi. Kei hong kithat ding a, ni thum ni-in hong kihing kiksak ding hi,” ci-in teltakin gen a kipan hi.

Tedim Bible Revision 2017

²¹ Tua hun a kipanin Jesu in a nungzuite kiangah, “Jerusalem khua ah ka pai ding hi. Upate, siampi liante le Thukham hilh siate tung panin gimna tampi ka thuak ding hi. Kei hong kithat dinga, ni thum ni-in hong kihingkiksak ding hi,” ci-in teltakin gen a kipan hi.

Mattiu 16:21 Iomraidhean Croise

Nehemiah 12:7

Sallu, Amok, Hikiah, le Jedaiah te ahi uh hi. Hihte pen Jeshua hun lai-in siampite le a sanggamte uh lakah a ukpite ahi uh hi.

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

Mattiu 16:22

Tua ciangin Peter in Jesuh paikhiatpih a, “Topa aw, hih bangin Pasian in piangsak kei hen. Nang tungah hih bang piang thei ngei peuhmah lo ding hi,” ci-in a taii bawl hi.

Mattiu 16:28

Hih lai-a a om mi pawlkhatte a sih ma-in Mihing Tapa, Kumpi-in hong pai ding ahih lamtak phawkkhial kei un,” a ci hi.

Mattiu 17:12

Ahi zongin note kiangah kong genin-ah: Elijah hong pai khin napi-in mite in amah thei lo uh ahih manin a ututun a bawl uh hi. Tua mah bangin Mihing Tapa in zong bawlsiatna thuak ding hi,” ci-in a dawng hi.

Mattiu 17:9

Mualtung panin amaute a ciahsuk laitakun Jesuh in nungzuite kiangah, “Sihna panin Mihing Tapa a kithawhkiksak matengin hih na muhte uh kuama kiangah gen kei un,” ci-in thu a pia hi.

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

Mattiu 26:2

“Na theihsa uh mah bangin tuzawh ni nih khit ciangin Paisan Pawi hun hong tungta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Mattiu 26:47

Tua bangin Jesuh in thu a gen laitakin sawm le nihte sung panin Judas hong tung a, siampi liante le upate in a hong sawl, namsau le molhtum a tawi mihonpi tawh hong tonkhawm hi.

Mattiu 27:12

Ahi zongin siampi liante le upate in mawhsakna thu a gen hangun Jesuh in a dawng kei hi.

Mattiu 27:63

“Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Mattiu 28:6

Hih lai-ah amah om nawn lo hi. A gensa bangin thokik khinta hi. Hong pai unla, amah a kisialna mun hong en un.

Marka 8:31

Tua ciangin Jesuh in, “Mihing Tapa in tampi tak thuak ding hi; upate, siampi liante, le Thukham hilh siate in amah nial ding uh hi. Amah kithat ding a, ni thum khit ciangin hingkik ding hi,” ci-in a nungzuite hilh ding a kipan hi.

Marka 9:12

Jesuh in, “Na khempeuh a bawlkhol dingin Elijah hong pai masa takpi hi. Mihing Tapa in gimna tampi thuakin simmawhna ngah ding hi, ci-in Lai Siangtho in gen hi lo ahi hiam?

Luka 17:25

Ahi zongin amah in gimna tampi tak thuak masa ding a, ama huna mite in amah nial ding uh hi.

Luka 24:46

amaute kiangah, “Khrih in sihna thuakin, a ni thum ni-in sihna panin hingkik ding a,

Luka 9:31

vantung minthanna vang lim nei uh a, Jerusalem khua-ah pai-in sihna tawh Pasian’ deihna a tunsak nading thu a kikumkum uh ahi hi.