Mattiu 16:20 - Tedim Bible

²⁰ Tua ciangin amah Khrih ahih lamtak, kuama kiangah a gen loh nadingun a nungzuite kiangah khauhtakin thu a pia hi.

Tedim Bible Revision 2017

²⁰ Tua ciangin amah Khris ahih lamtak, kuama kiangah a gen loh nadingun a nungzuite kiangah khauh takin thu a pia hi.

Mattiu 16:20 Iomraidhean Croise

Mattiu 1:16

Jakob ta Josef hi a, Josef pen Khrih a kici Jesuh’ nu Mary’ pasal ahi hi.

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Mattiu 17:9

Mualtung panin amaute a ciahsuk laitakun Jesuh in nungzuite kiangah, “Sihna panin Mihing Tapa a kithawhkiksak matengin hih na muhte uh kuama kiangah gen kei un,” ci-in thu a pia hi.

Mattiu 8:4

Tua ciangin Jesuh in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na damkhitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Marka 8:30

Tua ciangin Jesuh in, “Kua mi ka hi cih thu kuama kiangah gen kei un,” ci-in a nungzuite thu a pia hi.

Marka 9:9

Mualtung panin a paisuk kawmun Jesuh in amaute kiangah, “Sihna panin Mihing Tapa a thawhkik matengin hih na muhte uh kuama kiangah gen kei un,” ci-in a kham hi.

Luka 2:11

Tuni-in David khuapi sungah, note a hong honkhia ding Khrih Topa a suak hi.

Luka 9:21

Tua ciangin Jesuh in, “Hih thu kuama kiangah gen kei un,” ci-in a nungzuite thu a pia hi.

Luka 9:36

Tua awging a bei khit ciangin Jesuh guak bek hong om hi. Nungzuite in hih a muhsa uh thu tua hun sawngteng kuama kiangah gen loin a imcip uh hi.

Johan 1:41

A zing ciangin a u Simon zongpahin ama kiangah, “Messiah ka mu zo uh hi,” a ci hi. Tua pen Khrih a cihnopna ahi hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa, le kamsangte in zong a gelh mipa ka mu khin uh hi. Amah Jesuh hi a, Nazareth khuami Josef’ tapa ahi hi,” a ci hi.

Johan 11:27

“Ka um hi, Topa aw; leitungah a hong pai ding Pasian’ Tapa, Khrih na hihna thu ka um hi,” ci-in a dawng hi.

Johan 20:31

Hih laibu sungah a kigelh thute pen Jesuh, Pasian’ Tapa, Khrih ahihna thu na uptheih nading uh le ama min hangin tua upna tawh nuntakna na ngahtheih nading uh deihna tawh a kigelh ahi hi.

Sawltak 2:36

“Tua ahih ciangin singlamteh tungah na thah uh hih Jesuh pen Pasian in Topa le Khrih in a bawl khitna thu, Israel mi khempeuh in teltakin thei ta un,” a ci hi.

1 JOHAN MASA 2:22

Tua ahihleh zuau thugen i cihte kuate ahi hiam? Jesuh pen Khrih hi lo hi, a cite ahi hi. Hih bangin thugente pen Khrih’ Gal hi a, amaute in Pa le Tapa a nihin nial uh hi.

1 JOHAN MASA 5:1

Jesuh, Khrih hi, ci-in a um mi khempeuh Pasian’ tate hi a, pa a it mi peuhmah in a ta zong a it hi.