Mattiu 16:14 - Tedim Bible

¹⁴ Amaute in, “Pawlkhat in Tuiphumpa Johan hi, hong ci uh hi; pawlkhat in Elijah hi, hong ci uh hi; pawlkhat in Jeremiah ahih kei leh kamsang khat peuhpeuh hi ding hi, hong ci uh hi,” ci-in a dawng uh hi.

Tedim Bible Revision 2017

¹⁴ Amaute in, “Pawl khat in Tuiphumpa Johan hi, hong ci uh hi; pawl khat in Elijah hi, hong ci uh hi; pawl khat in Jeremiah ahih kei leh kamsang khat peuhpeuh hi ding hi, hong ci uh hi,” ci-in a dawng uh hi.

Mattiu 16:14 Iomraidhean Croise

Jeremiah 1:1

Benjamin gam Anathoth khua-a siampi khat ahi Hilkiah’ tapa Jeremiah’ thugente hih bang ahi hi.

Malakhi 4:5

“Ahi zongin tua a lauhuai lian mahmah Topa’ ni hong tun ma-in note kiangah kamsang Elijah kong paisak ding hi.

Mattiu 14:2

Amah in a nuai-a uliante kiangah, “Hih pa pen Johan hi a, sihna panin a hingkik hi ding hi. Tua ahih manin hih bang nalamdang bawlna ding vangliatna nei hi ding hi,” a ci hi.

Mattiu 16:15

Tua ciangin Jesuh in amaute kiangah, “Tua ahihleh note in kei kua hi hong ci na hi uh hiam?” ci-in a dot ciangin

Mattiu 17:10

Tua ciangin nungzuite in Jesuh kiangah, “Bang hangin Thukham hilh siate in, Elijah hong pai masa ding hi, ci uh ahi hiam?” ci-in a dong uh hi.

Mattiu 3:1

Tua hun laitakin tuiphumpa Johan hong pai-in, Judea gam sungah thuhilh hong kipan a,

Marka 6:15

Ahi zongin a dangte in, “Elijah hi,” ci uh a, pawlkhat leuleu in, “Tanglai-a kamsangte mah bangin kamsang khat hi,” a ci uh hi.

Marka 8:28

Amaute in, “Pawlkhat in, Tuiphumpa Johan hi, hong ci uh hi. Pawlkhat in, Elijah hi, hong ci uh a, pawlkhat in, kamsang khat peuhpeuh hi ding hi, hong ci uh hi,” ci-in a dawng uh hi.

Luka 9:8

Pawlkhat in, “Elijah hong kilangkik hi,” ci uh a, pawlkhat in, “Tanglai kamsangte khat hong hingkik hi,” a ci uh hi.

Johan 1:21

Tua ciangin amaute in, “Tua ahihleh kua na hi hiam? Elijah na hi hiam?” a cih uh ciangin, “Ka hi kei hi,” na ci hi. Kamsangpa na hi hiam, ci-in a dot uh ciangin, ka hi kei hi, a na ci leuleu hi.

Johan 7:12

Ama thu hangin mihonte lakah kam kihona tampi om a, “Amah mi hoih mahmah khat hi,” ci uh a, pawlkhat in, “Mi khemin a lam khialhpih ding pa ahih manin mihoih hi het lo hi,” a ci uh hi.

Johan 9:17

Tua ahih manin Farisi mite in mittaw pa kiangah, “Ka mit khua hong musak hi, ci na hih manin amah kua hi dingin ngaihsun na hi hiam?” ci-in a dotkik uh ciangin, “Amah kamsang khat hi ding hi,” ci-in a dawng hi.