Mattiu 15:6 - Tedim Bible

⁶ Tua ahih manin na pupa ngeina uh na zuihna uh hangin Pasian’ thu na palsat uh hi.

Tedim Bible Revision 2017

⁶ Tua ahih manin na pupa ngeina uh na zuihna uh hangin Pasianʼ thu na palsat uh hi.

Mattiu 15:6 Iomraidhean Croise

Late 119:126

Topa aw, nangma thu kipalsat khin ahih ciangin thu na khen ding hun hita hi.

Late 119:139

Ka galte in nangma thu kin het lo uh ahih manin keima hehna mei bangin a kuang hi.

Jeremiah 8:8

Bangci bangin note in, ‘Ko ka pil uh a, Topa’ thukham ka nei uh hi,’ ci thei ding na hi uh hiam? En un, thuman lo laitheite in tua thukham zuauthu a suah uh hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawknuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Mattiu 15:5

Ahi zongin note in, ‘Mi khatpeuh in a nu ahi a, a pa ahi zongin a huh theih nading na khat peuhpeuh a neih leh, tua na pen Pasian a’ ding hi, ci peuh leh, a nu le a pa piak kul nawn lo hi,’ ci-in thu na hilh uh hi.

Mattiu 15:7

Na tungthamun mihoih a kineihkhem mite aw, Isaiah in note’ thu a genna man mahmah hi. Tua a genna-ah,

Marka 7:13

Hih bang danin mite thu na hilhna uh tawh Pasian’ thu na pampaih uh hi. Hih bangzia-in na gamtatna uh adang tampi zong omlai hi,” a ci hi.

ROM (Romans) 3:31

Tua ahihleh hih upna thu i gen ciangin Thukham a phiat ihi hiam? Hi lo hi; a kipsak semsem ihi hi.

1 TIMOTI MASA 5:16

Thu um innkuan sungah meigong numei a nei a om leh pawlpite in a kisam meigong taktakte a huhtheih nadingin pawlpi tungah tavuan hong guan kei hen la, amau’ meigong numeite na huh ta uh hen.

1 TIMOTI MASA 5:8

Mi khatpeuh in a beh a phung, a diakdiakin a innkuansung mite a vak nop kei leh a upna a nusia hita a, thu um lo mite sangin siazaw lai hi.