Mattiu 15:32 - Tedim Bible

³² Tua ciangin Jesuh in a nungzuite sam a, “Kei kiangah hih mite ni thum bang hong omkhin uh a, amaute in annek ding nei nawn lo uh ahih manin hehpihhuai ka sa hi. Lamkalah cimawh kha ding uh ahih manin gilkialin ka ciahsak nuam kei hi,” a ci hi.

Tedim Bible Revision 2017

³² Tua ciangin Jesu in a nungzuite sam a, “Kei kiangah hih mite ni thum bang hong om khin uh a, amaute in annek ding nei nawn lo uh ahih manin hehpihhuai ka sa hi. Lamkal ah cimawh kha ding uh ahih manin gil kialin ka ciahsak nuam kei hi,” a ci hi.

Mattiu 15:32 Iomraidhean Croise

2 KUMPI NIHNATE 4:42

Mi khat Baalshalishah panin hong pai-in Pasian’ mipa kiangah anpal anlum, mangbuhham lum sawmnih, le anvui a thak a van sungah hong pua hi. Tua ciangin Elisha in a nasempa kiangah, “Amaute in a nek theih nadingun kamsangte tungah pia in,” a ci hi.

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

Mattiu 14:13

Jesuh in tua thu a zak ciangin tua mun panin kihemkhia-in gamdaihna mun a zuan dingin gunkuang tawh a pai hi. Mite in ama paikhiatna thu a theih uh ciangin a khua ciat panun lei lam tawnin Jesuh nung hong zui uh hi.

Mattiu 15:33

Nungzuite in, “Mihon hih zah i piak ding, hih gamlakah koi panin an ngah ding ihi hiam?” a ci uh hi.

Mattiu 20:34

Jesuh in amaute hehpihhuai sa ahih manin a mit uh lawnsak a, thakhat thu-in a mit un khua a mukik pah hi. Tua ciangin amau tegel in zong Jesuh nung a zuipah uh hi.

Mattiu 27:63

“Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Mattiu 9:36

Mihonte a muh ciangin, a cing nei lo tuuhon bangin gimna ngahin lungkhamin om uh ahih manin hehpihhuai a sa hi.

Marka 9:22

A sih nadingin meikhuk sung le tui sungah tamveipi puksakzo hi. Na hihtheih leh kote hong hehpih inla hong huh in,” ci-in a dawng hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Sawltak 27:33

Khua a vak kuan ciangin mite in an a nek nadingun Paul in hanthawn a, “An ne lo tui dawn loin lungkhamin na omzawh uh tu-in ni sawm le li a phak ni hi ta hi.

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.