Mattiu 15:31 - Tedim Bible

³¹ A pau thei lote pau thei-in, khezawte damin, khebaite hoihtakin lam paithei-in, mittawte in khua a muh theihkikna thu mihonpite in a muh uh ciangin lamdangsa mahmah uh a, Israel mite’ Pasian a phat uh hi.

Tedim Bible Revision 2017

³¹ A pau thei lote pau thei-in, khezawte damin, khebaite hoihtakin lam pai thei-in, mittawte in khua a muh theihkikna thu mihonpite in a muh uh ciangin lamdang sa mahmah uh a, Israel miteʼ Pasian a phat uh hi.

Mattiu 15:31 Iomraidhean Croise

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilai khinzo a, na zo hi,” a ci hi.

Piancilna 33:20

Tua lai-ah amah in biakna tau khat bawl a, El-Elohe-Israel, ci-in min a phuak hi.

Late 50:15

Haksat hun ciangin keima tungah hong ko un. Note kong honkhia ding a, note in keima min nong thangsak ding uh hi,” a ci hi.

Late 50:23

Biakpiak nadingin lungdam piakna hong paipih mi in kei a hong pahtawi ahi hi. Ka thu a mang mite khempeuh ka honkhia ding hi,” a ci hi.

Paikhiatna 24:10

amaute in Israel Pasian mu uh hi. Ama khe nuai-ah a sianthona van mel tawh a kibang, sapfaia suangmanpha tawh a kibawl suangphahpek bangpian om hi.

Mattiu 15:30

Ama kiangah mihon tampi tak hong pai uh a, khebaite, khezawte, mittawte, a pau thei lote, le cina dang tampi, Jesuh kiangah hong koih uh hi. Jesuh in tuate khempeuh a damsak hi.

Mattiu 18:8

“Na khut ahi a, na khe in ahi zongin hong khialhsak leh sattan inla paikhia in. Meikuang tawntung sungah khut kim khe kimin hong kikhiat sangin nuntakna sungah khut sam khe samin lut lecin nang a dingin hoihzaw ding hi.

Mattiu 21:14

Biakinn sung Jesuh kiangah mittawte le khebaite hong pai uh a, amah in amaute a damsak hi.

Mattiu 8:10

Jesuh in hih bupa thugen a zak ciangin lamdangsa a, amah a zui mihonte kiangah, “A mantak a kong genin-ah Israel mite lak nangawnah hih bang upna a nei ka mu nai kei hi.

Mattiu 9:32

Tua mi nihte a paikhiat laitakun mi pawlkhat in dawi a veina hangin a pauthei lo mi khat, Jesuh kiangah a hong paipih uh hi.

Mattiu 9:33

Ama sung panin dawi a kihawlkhiat khit phetin tua mipa hong pautheikik pah hi. Mihonpite in lamdangsa mahmah uh a, “Israel gam sungah hih bang thu piang ngei nai lo hi,” a ci uh hi.

Mattiu 9:8

Mihonte in hih thu a theih uh ciangin lau mahmah uh a, Pasian in mihingte tungah hih bang vangliatna a piakna hangin ama min a phat uh hi.

Marka 2:12

Tua mipa zong amaute khempeuh’ muhin tho a, a lupna pheek la-in a paikhia pah hi. Amaute khempeuh in lamdangsa mahmah uh a, Pasian phatin, “Hih bang mahmah i mu ngei nai het kei hi,” a ci uh hi.

Marka 7:37

Amaute in genzawh loh dongin lamdangsa mahmah uh a, “Hih mipa in septheih loh bangmah nei lo hi. Bilngongte nangawn khua zasak thei a, a pau thei lote nangawn pau theisak hi,” a ci uh hi.

Marka 9:43

Tua ahih manin na khut in hong khialhsak leh sattan in. Mei a mih ngei lohna hell khuk sungah khut kim tawh na lut sangin khut langkhat bui-in nuntakna sungah lut lecin nang a dingin hoihzaw hi.

Luka 14:13

Tua bangin anvakna pawi na bawl ciangin mizawngte, khezawte, khebaite, le mittawte sam in.

Luka 14:21

Tua ahih ciangin a nasempa hong ciahin a topa kiangah hih thute hong zasak hi. Tua ciangin innteek pa a heh suak a, a nasempa kiangah, ‘Khuasung kongzing khempeuhah va pai inla, mizawng, khezaw, mittaw, le khebai mite hong paipih in,’ ci-in a sawl leuleu hi.

Luka 18:43

Amah in zong thakhatin khua muthei pah a, Jesuh zui-in Pasian tungah a lungdamna a ko hi. Mihonpite in zong a muh ciangin a vekpi-un Pasian a phat uh hi.

Luka 7:16

Amaute khempeuh in lamdangsa mahmah uh a, Pasian min phatin, “Eite lakah kamsang lian khat hong om khinta a, a mite a honkhia dingin Pasian hong pai khinta hi,” a ci uh hi.

Johan 9:24

Tua ciangin a mittaw ngei pa mah samkik leuleu uh a, “Pasian’ mai-ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,