Mattiu 15:14 - Tedim Bible

¹⁴ Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kiakhawm ding uh hi,” ci-in a dawng hi.

Tedim Bible Revision 2017

¹⁴ Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kia khawm ding uh hi,” ci-in a dawng hi.

Mattiu 15:14 Iomraidhean Croise

Isaiah 31:3

Egypt mite mihing hi a, Pasian hi lo hi. Amau’ sakolte sa hi a, kha hi lo hi. Topa in a khut a zan ciangin a huhpa pukin, huhna a ngah pa tuk ding a, amaute khempeuh siakhawm ding uh hi.

Isaiah 42:19

Ka nasempa bangin kua a mit taw a, keima sawl ka kamtai pa bangin kua a bil ngong ahi hiam? Keima thuciampih pa bangin kua a mit taw a, Topa’ nasempa bangin kua a mit taw ahi hiam?

Isaiah 56:10

Amau’ galvilte a mit uh taw a, amaute khempeuh in bangmah thei lo uh hi. Amaute khempeuh ui ham thei lo inncing tawh kibang uh a, amaute in tawng thei lo uh hi. Mot paupau, lumlum, lususu in om ding bek nuam a sa uh hi.

Isaiah 9:16

Bang hang hiam cih leh hih minam a makaihte in lam khialsak a, amau’ makaih mite in siatna ngah uh hi.

Jeremiah 5:31

Kamsangte in thuman gen lo uh a, siampite in zong amau’ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site’ lak mahah amaute zong si ding uh a, gim ka piak ni ciangin a kilawnkhia ding uh hi,” Topa in hong ci hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawnkhia ding uh hi, Topa in kong ci hi.

Hosea 4:17

Israel mite, milim biak uuklua uh a, cihtheih hi lo hi.

Malakhi 2:8

“Ahi zongin, no siampite na hih uhleh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Luka 6:39

Tua ciangin Jesuh in amaute kiangah thugentehna khat zong gen a, “Mittaw khat in mittaw dang khat lam paipih thei lo hi. Paipih zenzen leh a nih tuakun hawkguamah kiakhawm ding uh hi.

Johan 9:39

Tua ciangin Jesuh in, “Mittawte in khua a muhtheih nading le khua mu thei a kineite mittaw a battheih nadingin leitungah thukhen dingin a hong pai ka hi hi,” a ci hi.

1 TIMOTI MASA 6:5

thuman thutak zui loin, a lungsim paizia uh a man nawn lo, biakna pen hauhtheih nading lampi bekin a ngaihsun mite in a tawntungin kitot kiselna a piangsak uh ahi hi.

2 PETER NIHNA 2:1

Mite lakah kamsang man lo a omngei mah bangin note lakah sia man lo hong om ding hi. Siatna a piangsak thei thuhilhna a man lo hong lutpih simin, amaute mahmah a tankhia Topa nangawn nial ding uh hi. Tua ahih manin thakhat thu-in siatna thuaklawh ding uh hi.

2 PETER NIHNA 2:17

Hih bang mite pen a kangcip khinsa ciktui, huih in a mutkhiat meiipi tawh kibang uh a, Pasian in amaute’ om nadingin khuamial sahpi omna mun a koih kholhsak hi.

Mangmuhna 19:20

Tua ciangin a ganhing le tua ganhing omna-ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua na lamdangte tawh a kikhem ahi hi. Ganhing le kamsang zuau pa, a nihun kat kikhulna meiphualpi sungah a hingtangun kilawn hi.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate, le zuaugen nuamsa-in zuau a gengen mite, khuapi pualamah a om uh hi.