Mattiu 14:9 - Tedim Bible

⁹ Kumpipa dah mahmah hi. Ahi zongin a kiciamnasa ahihna hang leh a leenglate’ maitang a zahtakna hangin a ngetna a kipiak nadingin thu a pia hi.

Tedim Bible Revision 2017

⁹ Kumpipa dah mahmah hi. Ahi zongin a kiciamnasa ahihna hang le a leenglateʼ maitang a zahtakna hangin a ngetna a kipiak nadingin thu a pia hi.

Mattiu 14:9 Iomraidhean Croise

Thuhilh-sia 5:2

Thu ngaihsun masa-in pau inla, Pasian’ tungah thu mawk ciampak kei in. Vantungah Pasian om a, leitungah nang om na hih manin na pau ding a kilawm zahval pau kei in.

Jeremiah 44:25

Vanglian Topa, Israel mite’ Pasian in hong genin-ah: Note le na zite un na khut bek uh tawh na sep uh hi loin na kam mahmah uh tawh, ‘Vantung kumpinu’ tungah paknamtui hal ding le tuidawn biakna piak dingin ka kiciamnasa uh bangin ka sem taktak ding uh hi,’ ci-in na gen khinzo uh hi. Tua ahihleh na kiciamna uh kipsak ta unla, na kiciamna uh bangin sem dih un!

Mattiu 14:1

Tua hun laitakin Galilee gam sungteng a uksawn kumpi Herod in Jesuh’ thu a za hi.

Mattiu 14:10

Tua ahih manin mi sawlin thongah Johan’ lutang a tansak hi.

Mattiu 14:5

Herod in Johan that nuam hi. Ahi zongin mite in kamsangin ngaihsun uh ahih manin mite a kihtakna hangin thatsak ngam lo hi.

Mattiu 14:8

Tua numei in zong a nu’ ngaihsut piakna zui-in, “Kuangdai khat sungah Tuiphumpa Johan’ lutang, hih lai mahmahah hong pia in,” ci-in a ngen hi.

Marka 6:14

Kumpi Herod in Jesuh thu a kigengenna thu a za hi. Mi pawlkhat in, “Tuiphumpa Johan, sihna panin hingkik hi. Tua ahih manin hih vangliatnate nei hi,” a ci uh hi.

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen zanuam veve hi.

Marka 6:26

Hih thu a zak ciangin kumpipa dah mahmah hi. Ahi zongin a kiciamnasa hang le a leenglate’ maitang a zahtakna hangin nial ngam lo hi.

Luka 13:32

Jesuh in, “Pai unla, ngia bangin ngian a zang tua Herod kiangah hih bangin va gen un: ‘Tuni le zing ciang sung dawi hawlkhia-in cina ka damsak ding a, thai ciangin ka nasep ka man ding hi, ci hi,’ va ci un.

Thukhente 11:39

Kha nih a cin ciangin a pa kiangah amah ciahkik a, amah in ama bawlsa a thuciamna bangin a tanu tungah hih hi. Tua nu pen pasal tawh a lumkhawm nai lo, nungakin khansih hi. Tua ciangin Israel-te sungah ngeina khat suak a,

Thukhente 21:1

Tu-in Israel mite Mizpah-ah kiciam uh a, “Benjamin mite tungah kuamah in i tanu mo-in i kha kei ding hi,” a ci uh hi.

1 SAMUEL MASA 14:24

Israel mite tua ni-in lungkham uh hi; bang hang hiam cih leh Saul in mite tungah kiciamna khat koih a, “Tu nitak mateng le ka galte ka thukzawh matengin an a ne pa in samsiatna ngah ta hen,” a ci hi. Tua ahih ciangin mite khat beek in an ciam lo uh hi.

1 SAMUEL MASA 14:28

Tua ciangin mite khat in, “Na pa in kiciamna khat tawh nakpitakin mite thuhilh a, ‘Tuni-in an a ne mipa in samsiatna ngah ta hen,’ ci hi,” a ci hi. Mite gim mahmah uh hi.

1 SAMUEL MASA 25:22

Zing ciangin ama neihsa khempeuh lakah pasal khat zong ka siit taak leh Pasian in keimah David hong dawm kei ta hen,” na ci khin hi.

1 SAMUEL MASA 28:10

Ahih hangin ama tungah Topa’ min tawh Saul kiciam a, “Topa a nungta ahih mah bangin hih thu hangin nang tungah gimna hong tung het lo ding hi,” a ci hi.