Mattiu 14:6 - Tedim Bible

⁶ Ahi zongin Herod’ suah ni pawi bawl hun hong tun ciangin mihonte mai-ah Herodias’ tanu hong laam ciangin Herod lungdam mahmah ahih manin,

Tedim Bible Revision 2017

⁶ Ahi zongin Herodʼ suah ni pawi bawl hun hong tun ciangin mihonte mai ah Herodiasʼ tanu hong laam ciangin Herod lungdam mahmah ahih manin,

Mattiu 14:6 Iomraidhean Croise

Piancilna 40:20

A ni thum ni, Faro’ suah ni hunin, amah in a nasemte khempeuh a dingin pawi khat kham a, an piapi pa le an huanpipa lakhia hi.

Esther 2:18

Tua ciangin kumpipa in Esther pahtawina-in ama uliante le a nasem khempeuh a dingin pawi lianpi khat a bawl hi. Amah in ama ukna gam khempeuhah tua ni nasep khawlin zum a khakna ding uh zong thu zasak kim a, kumpipa min tawh a kilawm a kituak letsongte zong a hawmkhia hi.

Mattiu 14:3

Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupa’ zi na tenpih ding ngeina hi lo hi,” ci-in gen zelzel ahih manin Herod a heh suak a, Johan mansakin, khau khihsakin, thong sungah a khumsak hi.

Mattiu 14:7

“Na hong nget peuhpeuh ka hong pia ding hi,” ci-in a kiciam hi.

Mattiu 22:24

“Sia aw, Moses in, ‘Mi khat ta nei loin a sih leh tua a si mipa’ khang a kizop theih nadingin a naupa in a u’ zi luah ta hen,’ ci hi.

Marka 6:14

Kumpi Herod in Jesuh thu a kigengenna thu a za hi. Mi pawlkhat in, “Tuiphumpa Johan, sihna panin hingkik hi. Tua ahih manin hih vangliatnate nei hi,” a ci uh hi.

Marka 6:17

Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupa’ zi na tenpih ding ngeina hi lo hi,” ci-in gen zelzel ahih manin Herodias a heh suak a, galkapte in Johan manin thong sungah a khiat nadingin Herod a vaihawmsak hi.

Marka 6:19

Tua ahih manin Herodias in Johan mudahin thatnuam a, ahi zongin that zo lo hi.

Marka 8:15

Jesuh in, “Farisi-te’ silngo le Herod pawlte’ silngo kidawm un,” ci-in a hilhkhol hi.

Luka 13:31

Tuahun laitakin Farisi mi pawlkhat hong pai-in Jesuh kiangah, “Herod in nang thah hong sawm ahih manin hih lai panin mun dang khatah paikhia in,” a ci uh hi.

Luka 23:11

Tua ciangin Herod le galkapte in Jesuh zahko-in simmawh bawl uh a, kumpi puantualpi a silhsak khit uh ciangin Pilat kiangah a puakkik uh hi.

Luka 23:7

Jesuh pen Herod’ ukna sung mi ahihlam a theih ciangin, tua laitakin Herod mah zong Jerusalem-ah om ahih manin ama kiangah a paisak hi.

Luka 3:1

Gam tampi a uk Sisar Tiberius in a ukzawh a kum sawm le ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Luka 3:19

Ahi zongin, gam ukpa Herod in ama naupa’ zi Herodias a tenpihna hang le a gamtat hoih lohna a tuamtuamte’ hangin Johan in Herod a taii hi.

Luka 8:3

Herod’ khutnuai-a ulian Khuza’ zi Joanna, Susanna, le numei dang tampite hi uh a, amau’ neihsa tawh Jesuh le a nungzuite a huh uh hi.

Sawltak 12:1

Hih hun pawl laitakin Herod Kumpipa in pawlpi mite pawlkhat bawlsiat ding kipan hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khrih dingin na bawl, a siangtho na Nasempa Jesuh thah dingin a vaihawm uh hi.