Mattiu 14:27 - Tedim Bible

²⁷ Jesuh in amaute hopihpah a, “Na lungsim uh hangsak un. Keimah ka hi hi. Lau kei un,” a ci hi.

Tedim Bible Revision 2017

²⁷ Jesu in amaute hopih pah a, “Na lungsim uh hangsak un. Keimah ka hi hi. Lau kei un,” a ci hi.

Mattiu 14:27 Iomraidhean Croise

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong thakhauhsakin ka hong huh ding a, nang hong huhin ka hong honkhia ding hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-te’ Siangtho Pa ahi hi.

Isaiah 41:4

A kipat cil a kipanin a khangkhangin mite a sam, hih nasep semin a bawl kua ahi hiam? Keimah Topa in, a masa le a nunung ka hi a, kei pen Topa ka hi hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Mattiu 14:28

Tua ciangin Peter in, “Topa aw, nang na hihtakpi leh, tui tung tawnin nang kiangah kei zong hong paisak in,” a ci hi.

Mattiu 17:7

Ahi zongin Jesuh hong pai-in amaute va lawng a, “Tho un, lau kei un,” a va ci hi.

Mattiu 28:10

Tua ciangin Jesuh in amaute kiangah, “Lau kei un. Pai unla, Galilee gamah ka sanggamte a pai nadingin va gen un. Tua lai-ah kei hong mu ding uh hi,” a ci hi.

Mattiu 28:5

Ahi zongin tua vantungmi in numeite kiangah, “Lau kei un. Singlamteh tungah a kithat Jesuh a zong na hihlam uh ka thei hi.

Mattiu 9:2

Mi pawlkhat in khutlekhezaw mi khat, a lupna pheek tawh hong pua-in Jesuh kiang a hong tunpih uh hi. Jesuh in amaute’ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Marka 6:50

Bang hang hiam cih leh amah a muh uh ciangin lau mahmah uh hi. Ahih hangin Jesuh in thakhatin amaute hopihpah a, “Lungnuamin om un. Keimah ka hi hi; lau kei un,” a ci hi.

Luka 1:13

Ahi zongin vantungmi in ama kiangah, “Zekhariah aw, lau kei in. Pasian in na thungetna hong zakhin a, na zi Elizabeth in tapa khat a nei ding hi. A min dingin Johan na phuak ding hi.

Luka 1:30

Tua ciangin vantungmi in, “Mary aw, lamdangsa-in lunghimawh kei in. Pasian’ maipha a ngah na hi hi.

Luka 12:32

Tua ciangin Jesuh in, “Tuuhon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong sehsa ahi hi.

Luka 2:10

Ahi zongin vantungmi in, “Lau kei un. Mi khempeuh a lungdamsak ding thuthak hoih khat note a’ ding ka hong puak hi.

Luka 5:10

Tua mah bangin Simon’ lawmte ahi, Zebedi’ tapa James le Johan-te in zong lamdang a sa uh hi. Jesuh in Simon kiangah “Lau kei in. Tu a kipanin ngasa mat bangin mi tampi a huai pa na suak ding hi,” a ci hi.

Johan 16:33

Keimah tawh na hong kipawlna uh hangin lungnopna na neihtheihna dingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Johan 6:20

Jesuh in amaute kiangah, “Keimah ka hi hi; lau kei un,” a ci hi.

Sawltak 23:11

Tua zanin Paul kiangah Topa hong ding a, “Hang takin om in. Hih Jerusalem khua sungah keima thu genin teci na pan’ mah bangin Rom khuapi-ah zong keima thu genin teci na pang ding hi,” a ci hi.