Mattiu 13:52 - Tedim Bible

⁵² Tua ciangin Jesuh in amaute kiangah, “Vantung ki-ukna sungah a hong lut Thukham hilh siate khempeuh pen, a sumkholna panin a thak le a lui, a ut utin a lakhia thei ziauziau sumnei pa tawh kibang uh hi,” a ci hi.

Tedim Bible Revision 2017

⁵² Tua ciangin Jesu in amaute kiangah, “Vantung ki-ukna sungah a hong lut Thukham hilh siate khempeuh pen, a sumkholna panin a thak le a lui, a ututin a la khia thei ziauziau sum nei pa tawh kibang uh hi,” a ci hi.

Mattiu 13:52 Iomraidhean Croise

Ezra 7:10

Bang hang hiam cih leh Ezra in Topa’ thukham sinin zuih ding, le Israel mite a hilh dingin amah kipia hi.

Ezra 7:21

“Tua hi a, kumpipa keimah Artakzaksis in Eufratis Gungal gam sunga om kumpi vankemte khempeuh tungah hih bangin thu ka pia hi: Vantung Pasian’ thukham a siam lai a thei, siampi Ezra in note tung panin a kisapna hong nget ciangin,

Ezra 7:6

hih Ezra pen Babylon panin hong tungto hi. Amah pen Israel Pasian, Topa in a piak Moses thukham a siam laithei mi khat ahi hi. Topa ahi ama Pasian in ompih ahih manin ama nget khempeuh kumpipa in a pia hi.

Paunak 11:30

Midikte a khansau a, migilote khansih hi.

Paunak 15:7

Mipilte’ kampauna in pilna khangsak a, mihaite’ lungsimah thuman lohna bek om hi.

Paunak 18:4

Mihingte’ kampau pen pilna kipatna suak thei a, tuipi bangin thuk-in luitui bangin a siang hi.

Solomon la 7:13

Tua lai-ah zawl-ai kung a namtui gim na za ding a, singgah lim namcin i kong gei-ah a om hi. Ngaihno aw, a gah a lui le a thak nang a dingin na duhduh kong koihsak hi.

Mattiu 12:35

Mihoihte in a hoih a kholteng suahkhia a, migilote in gitlohna a kholteng a suahkhia ahi hi.

Mattiu 13:51

“Hih ka thugente khempeuh a khiatna na thei uh hiam?” ci-in Jesuh in a dot ciangin amaute in, “Ka thei uh hi,” ci-in a dawng uh hi.

Mattiu 13:53

Jesuh in hih thugentehnate a gen khit ciangin tua lai panin paikhia-in

Mattiu 23:34

Note kiangah kamsangte, mipilte, le siate ka hong paisak ding hi. Note in pawlkhatte thatin, pawl khatte singlamteh tungah khai-in, pawlkhatte na kikhopna uh inn sungah na sat ding uh a, khua khat pan khua khatah a banbanin na bawlsia ding uh hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.

Luka 11:49

Tua thu hangin Pasian’ Pilna a kici laibu sungah, ‘Amaute kiangah kamsangte le sawltakte ka sawl ding a, amaute in tua mite pawlkhat bawlsia-in na that ding uh hi,’ ci-in kigelh hi.

Johan 13:34

Note tungah ka hong piak thak thu in: Note khatlekhat na ki-it ding uh ahi hi. Note ka hong it mah bangin note khatlekhat na ki-it un.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Efesa 3:4

Tua ka laigelh na sim le-uhcin Khrih tawh kisai a thusim ka theihna thu na phawk ding uh hi.

Efesa 3:8

Pasian’ mi khempeuh lakah kei a neupen hinapi-in, Khrih hangin a kigen zo lo thu manpha ahi Lungdamna Thu, Gentail mite lakah a gen ding,

Kolose 1:7

Hih thu pen, Khrih nasepna sungah kote’ tangin citakin na a sem, kote’ naseppih Epafras tung panin na zak uh ahi hi.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

1 TIMOTI MASA 3:6

Khristian a suaktungte zong hi lo ding hi. Tua bang mi thakte kiphasak thei a, Dawimangpa mah bangin thukhenna a thuak mite hikha thei ding hi.

Titu 1:9

Upna bulpi tawh a kituak thute limtakin lenkip ding uh hi. Tua hileh thuhilhna man tawh midangte hanthawn thei ding uh a, thuman a nial mite’ khialhna zong laktel thei ding uh hi.