Mattiu 13:44 - Tedim Bible

⁴⁴ “Vantung ki-ukna pen lolai-ah a kiseel sum tawh kibang hi. Mi khat in a muh ciangin limtakin a seelpha hi. Amah lungdam mahmahin a inn-ah ciahpah a, a neih khempeuh a zuak khit ciangin tua lo a lei hi.

Tedim Bible Revision 2017

⁴⁴ “Vantung ki-ukna pen lo lai ah a kiseel sum tawh kibang hi. Mi khat in a muh ciangin limtakin a seel pha hi. Amah lungdam mahmah in a inn ah ciah pah a, a neih khempeuh a zuak khit ciangin tua lo a lei hi.

Mattiu 13:44 Iomraidhean Croise

JOB (Job) 28:13

“Mihingte in a kimuhna ding a lampi thei lo uh a, mihingte’ gam sungah zong a lampi om lo hi.

Paunak 16:16

Kham sangin pilna hoihzaw a, ngun sangin thutheihna deihhuai zaw hi.

Paunak 17:16

Mihai pa in thu ngaihsun thei lo ahih manin pilna zonna ding sum tampi a zat hangin a phattuamna om lo hi.

Paunak 18:1

Midangte tawh a kipawlthei pha lote amah bek thupi a kisate hi a, midangte’ cih khempeuh man a sak khat beek om lo hi.

Paunak 23:23

Thuman, pilna, siamna, thungaihsut theihna lei in; zuakkhiat dingin tuate pammaih lua hi.

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Mattiu 13:24

Tua ciangin Jesuh in thugentehna dang khat gen a, “Vantung ki-ukna pen bang tawh kibang hiam cih leh: A lo-ah taangci hoih a vawhpa tawh kibang hi.

Mattiu 13:46

Sumbawlpa in a manpha diak pawl kep khat a muh ciangin ciahpahin a neih khempeuh a zuak khit ciangin tua kep a lei hi.

Mattiu 13:47

“Vantung ki-ukna pen tui sungah kipaai-in ngasa namkim a awkna ngen tawh zong kibang hi.

Mattiu 19:21

Jesuh in, “Mi cingtaak na hihnop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi.

Mattiu 19:27

Tua ciangin Peter in, “Kote in na khempeuh nusia-in nang ka hong zui uh hi. Tua ahih ciangin bang ngah ding ka hi uh hiam?” ci-in a dot ciangin

Mattiu 19:29

Keima hangin a inn, a sanggam numei, a sanggam pasal, a nu, a pa, a tate, a leitang, khat peuhpeuh a nusiate in a zah zakhat ngahkikin, nuntak tawntungna zong a ngah ding uh hi.

Mattiu 6:21

Bang hang hiam cih leh na sum omna uhah na lungsim uh om tawntung ding hi.

Luka 14:33

Tua mah bangin mi khat in a neih khempeuh a piakkhiat ngam kei leh keima nungzui suak thei lo ding hi.

Johan 6:35

Tua ciangin Jesuh in, “Kei pen nuntakna an ka hi hi. Ka kiangah hong paite gilkial ngei nawn lo ding a, kei hong umte dangtak ngei nawn lo ding hi.

ROM (Romans) 15:4

Lai Siangtho sungah a om thu khempeuh pen eite hilh nading, eite in lametna nei-in i thuakzawh nading, le i thahat theih nadingin a kigelh ahi hi.

Kolose 2:3

Khrih pen Pasian’ pilna le a thuthuk khempeuh a kitheihtheih nading ahi hi.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

Hebru 10:34

Note in a hoihzaw, a kipzaw nate a nei na hihlam uh kithei na hih manun thongkia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Mangmuhna 3:18

Tua ahih manin na hauhtheih nadingun kei kiang panin kham citak hong lei-in a zumhuaipi-in guaktanga na omna uh na kisel nadingun puanpak hong lei unla, khua na muhtheih nadingun mit zatui hong lei un.