Mattiu 13:37 - Tedim Bible

³⁷ Jesuh in, “Taangci hoih a vawhpa pen Mihing Tapa ahi hi.

Tedim Bible Revision 2017

³⁷ Jesu in, “Taang ci hoih a vawhpa pen Mihing Tapa ahi hi.

Mattiu 13:37 Iomraidhean Croise

Isaiah 28:28

Mi khatpeuh in antang cilvui ahi hiam? Hi lo hi; amah in cil paisuak ngitnget lo hi. A sakol tawh buhcilna pei a kihualsak ciangin amah in kitamvuisak lo hi.

Mattiu 10:40

“Na thugen uh a hong sangte in kei’ thu a hong sang hi a, kei a hong sangte in kei a hong sawl pa zong a sang ahi uh hi.

Mattiu 13:24

Tua ciangin Jesuh in thugentehna dang khat gen a, “Vantung ki-ukna pen bang tawh kibang hiam cih leh: A lo-ah taangci hoih a vawhpa tawh kibang hi.

Mattiu 13:27

Tua ciangin lonei pa’ nasemte ama kiangah hong pai-in, ‘Na lolai-ah na vawh khaici pen taangci hoihte ahi hi. Hih tahumte koi pana hong piang ahi hiam?’ a cih ciangin

Mattiu 13:4

Khaici a vawh ciangin pawlkhatte lo lai lam dungah tu a, vasate hong leengin a ne uh hi.

Mattiu 13:41

Mihing Tapa in a vantung mite hong sawl ding a, ama ukna sungah a om migilote le mi a mawh nadingin a bawl mi khempeuh kaikhawmin

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Luka 10:16

Tua ciangin Jesuh in a nungzuite kiangah, “Note’ thu a hong zuite khempeuh, kei’ thu a hong zui hi a, note’ thu a hong zui lote khempeuh, kei’ thu a hong zui lo ahi uh hi. Kei’ thu a hong zui lote khempeuh pen kei a hong sawl pa’ thu a zui lo ahi uh hi,” a ci hi.

Johan 13:20

A mantakin ci lehang, keima hong sawl mite a sangte in kei zong a hong sang ahi uh a, kei a hong sangte in kei a hong sawl pa zong a sang ahi uh hi,” a ci hi.

Johan 20:21

Tua ciangin Jesuh in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

ROM (Romans) 15:18

Kha Siangtho’ vangliatna tawh lim le na lamdangte zangin, Gentail mite in Pasian thu a zuihtheih nadingun Khrih in ka thatang le ka kam ka muk a zatna thute bekah hangtakin genin ka telkheh ding hi. Tua ahih manin Jerusalem khua panin Illyrikam gam ciang dong ka zinna khempeuhah Jesuh Khrih hangin Lungdamna Thu ka hilh khinzo hi.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khen khenin thu na gen ngeizo hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.