Mattiu 13:3 - Tedim Bible

³ Amah in thugentehna a tuamtuam zangin thu tampi hilhin a genin-ah: “Khaici vawhpa khaici vawh dingin a kuankhia hi.

Tedim Bible Revision 2017

³ Amah in thu gentehna a tuamtuam zangin thu tampi hilhin a genin ah: “Khaici vawhpa khaici vawh dingin a kuan khia hi.

Mattiu 13:3 Iomraidhean Croise

Late 49:4

Paunak thu theihhak khat ka ngaihsun ding a, laiza lasakna tawh a khiatna ka gentel ding hi.

Late 78:2

Note tungah thugentehna zangin ka kam ka-in thu ka hong gen ding hi. I pu i pate in hong gensa, eite in i zaksa le i theihsa, tanglai-a thuthukte ka hong genkhia ding hi.

Ezekiel 17:2

“Mihing ahi Ezekiel aw, Israel mite kiangah thugentehna khat gen inla,

Ezekiel 20:49

Tua ciangin kei zong, “Topa Pasian aw, kei hong sawl kei in. Mi khempeuh in kei pen khiatna nei-a thugen thei pa hi, ci-in a hong ngaihsut uh ka hi hi,” ci-in ka nial hi.

Micah 2:4

Tua bang hun hong tun ciangin mite in note’ gim ngahna thugentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei a hong mante tungah hong piaksak hi,” ci ding uh hi.

Habakkuk 2:6

A zawhna gammite in amau a zo mite simmawh bawlin, “No a’ ahi lopi kimlai no a dingin na la uh a, ahi zongin tu-in gimna na thuak ding uh hi. Note tungah lei hong bate khem bawlin, bang tanvei na hauhna uh behlap nuam lailai na hi uh hiam?” ci ding uh hi.

Mattiu 13:4

Khaici a vawh ciangin pawlkhatte lo lai lam dungah tu a, vasate hong leengin a ne uh hi.

Mattiu 13:53

Jesuh in hih thugentehnate a gen khit ciangin tua lai panin paikhia-in

Mattiu 22:1

Jesuh in amaute kiangah thugentehna dang khat zangin thu hilh a,

Mattiu 24:32

Thei kung tung panin thu phawk un. Thei a hiang hong meengin a teh hong no ciangin khuakhal hun hong naita hi, ci-in na thei uh hi.

Marka 12:1

Tua ciangin Jesuh in amaute kiangah thugentehna zangin thu hilh a, “Mi khat in lo zuanin leenggui suan a, a kimkot umin leenggah cil nading bawl a, a hon nading tausang khat a lam khit ciangin, lo khawhlawhte khawhlawhsak a, amah gam dangah a pai hi.

Marka 12:12

Hih thugentehna pen amaute a cihnopna a a gen ahihlam Jew makaite in thei uh ahih manin Jesuh a kimat theih nading a hanciam uh hi. Ahi zongin mihonpite kihta uh ahih manin Jesuh bangmah cih loin a paisan uh hi.

Marka 3:23

Tua ahih ciangin Jesuh in ama kiangah mite samin thugentehna tawh thu hilh a, “Satan in Satan bangci hawlkhiat theih ding ahi hiam?

Marka 4:13

Tua ciangin Jesuh in, “Note in hih thugentehna thei lo na hi uh hiam? Thei lo na hih uhleh, thugentehna khat peuhpeuh bangci theih ngei ding na hi uh hiam?

Marka 4:33

Jesuh in hih bang thugentehnate zangin mite tungah thu hilh a, amaute’ telzawh zah ciangciang thu a gen hi.

Luka 12:41

Peter in, “Topa aw, hih thugentehna ko bek nong cihna ahi hiam, ahih kei leh mi khempeuh a’ ding na cihna ahi hiam?” ci-in a dong hi.

Luka 8:10

Jesuh in, “Pasian’ Ukna thu tawh kisai thusim, note tungah hong kigen hi. Ahi zongin midangte in, en en napi-un a muh loh nading za za napi-un a tel loh nadingun amaute tungah thugentehna tawh thu kigen hi,” a ci hi.

Johan 16:25

“Tuhun ciang dong hih thute thugentehna zangin ka hong gen hi. Ahi zongin thugentehna ka hong zat nawn loh hun hong tung ding a, tua hun ciangin a teltakin Pa Pasian’ thu ka hong gen ding hi.