Mattiu 13:23 - Tedim Bible

²³ Lei hoihna munah a tu khaicite pen Pasian’ thu a zak ciangin a tel mite a cihnopna ahi hi. Tua bang mite a dingin Pasian’ thu in man nei a, pawlkhatte a dingin a zah zakhat, pawlkhatte a dingin a zah sawmguk, pawlkhatte a dingin a zah sawmthumin Pasian’ thu in man a nei hi,” a ci hi.

Tedim Bible Revision 2017

²³ Lei hoihna munah a tu khaicite pen Pasianʼ thu a zak ciangin a tel mite a cihnopna ahi hi. Tua bang mite adingin Pasianʼ thu in man nei a, pawl khatte adingin a zah za khat, pawl khatte adingin a zah sawm guk, pawl khatte adingin a zah sawm thumin Pasianʼ thu in man a nei hi,” a ci hi.

Mattiu 13:23 Iomraidhean Croise

Ezekiel 18:31

Na gamtatnasa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?

Ezekiel 36:26

Note sungah lungtang thak le lungsim thak kong guan ding a, na suang lungtang uh hong lakkhiatsakin mihing lungtang kong guan ding hi.

Mattiu 12:33

“Singgah limci a gahtheih nadingin a kung a cidam phot ding kisam a, a kung gina kei leh a gah limci lo hi. Tua ahih manin singkung khat a pianzia pen a gahin hong kithei hi.

Mattiu 13:8

Ahi zongin pawlkhatte, lei hoihna mun tu-in hong khang hi. Pawlkhatte in a zah zakhat, pawlkhatte in a zah sawmguk, adangte in a zah sawmthum a gah hi,” ci-in a gen khit ciangin,

Mattiu 3:10

Tu mahmahin sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

Mattiu 3:8

Na kisik kikna uh a kilangsak ding gamtatna gamta unla,

Marka 10:15

Hih naupangno khat’ man’ bangin Pasian’ Ukna a mang lo mi peuhmah Pasian’ Ukna sungah om lo ding ahihna thei un,” a ci hi.

Marka 4:20

Ahi zongin midangte ahihleh khaici pawlkhat a tukna mun leihoih tawh kibang uh hi. Amaute in Pasian’ thu za-in sang uh a, pawlkhatte a dingin a zah sawmthum, pawlkhatte a dingin a zah sawmguk, pawlkhatte a dingin a zah za khatin man a nei hi,” a ci hi.

Luka 13:9

Kum kik ciangin hong gah leh a hoih hi pah ding hi. Ahi zongin hong gah kei veve leh i phuk ding hi,’ ci-in a dawng hi,” a ci hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Luka 8:8

Pawlkhatte, leihoihna lak tu-in khang a, a zah zakhat ciang dong a piang hi,” a ci hi. Tua ciangin Jesuh nakpitakin kiko a, “Zak nading bil a neite in hih thu za ta un,” ci-in a thugen a khum hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 8:47

Pasian kiang panin a paite in Pasian’ thugen za thei hi. Ahi zongin note pen Pasian kiang pan hi lo na hih manun Pasian’ thu na ngai nuam kei uh hi,” ci-in a dawng hi.

Sawltak 16:14

Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paul’ thugente a sangthei dingin Pasian in a lungsim a honsak hi.

Sawltak 17:11

Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul’ thugente ngai uh a, Paul’ thugente man taktak hiam ci-in a theih nadingun nisimin Lai Siangtho a sim uh hi.

2 KORIN NIHNA 9:10

Tua ahih manin vawh ding khaici le nek ding an hong pia Pasian in note’ cit piakna hangin nopsakna lian tampi na ngahtheih nadingun note tungah a kisam khaici hong guanin a pungsak ding hi.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

Filippi 4:17

Note tung panin na tampi ka ngahnop man hi lo a, note’ hamphatna a kibehlap nading ka deihna hizaw hi.

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuhah a kizel ahi hi.

1 THESALONIKA MASA 4:1

Tu-in sanggamte aw, Pasian’ deihna le ama lungkim nadingin bangci nuntak ding cih thu kote kiang panin na theihsa uh thute tawh kizui-in na nuntaksa uh ahih mah bangin a kicingzaw semsemin na nuntak nadingun i Topa Jesuh min tawh hong thumin ka hong hanthawn uh hi.

2 THESALONIKA NIHNA 2:10

gitloh khemna a nam tuamtuam zangin, siatna a thuak ding mite a khem ding hi. Tua bang mite in a suahtak nadingun thuman sang nuam lo, deih lo uh ahih manin siatna a tuak uh ahi hi.

Hebru 4:2

Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thuzak uh amaute a dingin a phattuamna om lo hi.

Hebru 6:7

A tungah a kia guahtuite hupin, a kikhawhsak mite a dingin a kimang thei kungte a khangsak leitang pen Pasian in thupha a pia hi.

Hebru 8:10

Ahi zongin tu-in Israel mite tawh ka bawl ding thuciamna hih bang ahi hi. Amaute sungah ka thukham ka guang ding a, amaute lungtang tungah gelhin, amaute’ Pasian ka hi ding a, amaute pen keima mi ahi ding uh hi.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.