Mattiu 13:22 - Tedim Bible

²² Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Tedim Bible Revision 2017

²² Lingbulsum omna leilak ah a tu khaicite pen Pasianʼ thu za napi-in amau nuntakna sung uh ah leitung lunghihmawhna le hauh nopnate in Pasianʼ thu vuknelh ahih manin bangmah a suak khia zo lote a cihnopna ahi hi.

Mattiu 13:22 Iomraidhean Croise

Late 52:7

“Pasian a bel lo, ama hauhnate a muang, ama hauhna a bel pa en un,” hong ci ding uh hi.

Late 62:10

Zawhthawh thu tawh ngahna muanin nei kei inla, suhgawpnate lametin nei kei in. Na hauhna a khan leh, tuate muanin nei kei in.

Paunak 11:28

Tuk lai-a singteh tam bangin midikte’ hauhna khang ding a, phalbi lai-a singteh pulh bangin hauhna a suangte kiam ding uh hi.

Paunak 23:5

Na ngahsa uh sumte mitphiat kalin beimang thei a, muvanlai bangin thakhatin leengmang thei hi.

Thuhilh-sia 4:8

Mi khat in tapa ahi a, sanggam ahi zongin nei lo napi-in, a tawntungin na semin a neihsa tawh lungkim hun nei thei lo hi. Kua a dingin gimpi-in na sem a, a ututin ta hoh lo ahi hiam? Hih zong a mawknapi mah, a dahhuai nuntakna khat ahi hi.

Jeremiah 4:3

Judah gammite le Jerusalem khuamite tungah Topa in hih bangin ci hi: “Na lote uh kal unla, ling lakah khai vawh kei un.

Mattiu 12:32

Mihing Tapa langpangin a gensiate a mawhna uh kimaisak thei ding a, ahi zongin Kha Siangtho langpangin a gensiate pen tuhun a kipan a tawntungin a mawhna uh kimaisak lo ding hi.

Mattiu 13:39

tahum tang a vawh gal pa pen Dawimangpa ahi hi. Anlak hun pen leitung bei nading hun hi a, anla nasemte pen vantung mite ahi hi.

Mattiu 13:40

Tahumte kikaikhawmin meikhuk sungah a kikhultum mah bangin leitung bei hun ciangin tua bangmahin kihih ding hi.

Mattiu 13:7

Pawlkhatte, lingbulsum a omna mun leilak tu a, lingbulsumte hong selin hong khang ahih manin ankungte a depgawp hi.

Luka 12:15

Tua ciangin Jesuh in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzahta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Luka 12:21

Tua ciangin Jesuh in a thugen a khupna-in, “Tua mah bangin amau a’ ding bekin a kholcipte pen Pasian’ muhna panin mihau hi lo uh hi,” a ci hi.

Luka 21:34

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Luka 8:14

Lingbulsum omna a tukna munte pen Pasian’ thu za napi-in a nuntakna sung uhah leitung lunghihmawhna, hauhna, le nopsaknate in depgawp ahih manin bangmah a suakkhia zo lote a cihnopna ahi hi.

Sawltak 8:18

Sawltakte in amaute tungah a khut uh a ngak ciangin Kha Siangtho a ngahna uh mu ahih manin Simon in Peter le Johan kiangah sum pia a,

ROM (Romans) 12:2

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

1 KORIN MASA 1:20

Tua ahih manin tuhuna mipilte, miteite, le thusel a siamte, bangin kimang ahi hiam? Hih leitung pilna pen haina a suahsak khitna kilang khinzo hi.

1 KORIN MASA 2:6

Ahi zongin kha thu lamah a khangham mite tungah pilna thu ka gen hi. Tua ka gen pilna pen tu-in a maimang kuankuanta ding hih leitung mite’ pilna le vangliatna thu hi lo hi.

1 KORIN MASA 2:8

Hih leitung a uk mite kuamah in hih pilna thu thei lo uh hi. Thei hi le-uh, a minthang Topa pen singlamteh tungah na that lo ding uh hi.

1 KORIN MASA 3:18

Note khatpeuh hih leitung ngeina-ah a pilin na kingaihsut uhleh a pil taktak na hih theih nadingun a hai na suak phot un.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khrih minthanna hangin amaute tungah a hong taang lungdamna thu khuavak mu thei lo uh hi.

Galati 1:4

A siahuai tuhun sung panin eite a hong suahtaksak nadingin eite’ Pa Pasian’ deihna tawh kizui-in i mawhna hangin tua Jesuh Khrih amahmah a hong kipiatawm ahi hi.

Efesa 2:2

Tuahun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukte’ thu na mang uh hi.

1 TIMOTI MASA 6:17

Tuhuna a hau mite kisatheikha loin, a kip lo hauhnate muan le suanin neikha loin, eite in nuamtakin i zat theih dingin citna tawh a hong pia Pasian a muan a suan nadingun na hilh in.

2 TIMOTI NIHNA 4:10

Demas in hih leitung thu kinzaw ahih manin kei hong nusia-in Thesalonika khua-ah a pai hi. Kresen, Galatia gamah pai a, Titus, Dalmatia gamah pai hi.