Mattiu 13:14 - Tedim Bible

¹⁴ Kamsang Isaiah’ thugenkholhna, hih thu tawh kisai-ah amau a dingin tung taktak hi. Tua a genna-ah, ‘Na zakzak uh hangin na tel kei ding uh a, na etet uh hangin na mu kei ding uh hi.

Tedim Bible Revision 2017

¹⁴ Kamsang Isaiahʼ thugen kholhna, hih thu tawh kisai ah amau adingin tung taktak hi. Tua a genna ah, ‘Na zakzak uh hangin na tel kei ding uh a, na etet uh hangin na mu kei ding uh hi.

Mattiu 13:14 Iomraidhean Croise

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Ezekiel 12:2

“Mihing ahi Ezekiel aw, a lehdo thei mite lakah a teng na hi hi. Amaute in mit nei napi-in khua mu lo uh hi. Amaute pen a lehdo thei mite ahihna hang uh ahi hi.

Marka 4:12

Bang hang hiam cih leh, ‘En en napi-un a muh nai loh nading, za za napi-un a tel nai loh nading; amaute in mu-in tel le-uh Pasian’ lamah kihei ding uh a, Pasian in amaute’ mawhna maisak ding hi,’” ci-in a dawng hi.

Luka 8:10

Jesuh in, “Pasian’ Ukna thu tawh kisai thusim, note tungah hong kigen hi. Ahi zongin midangte in, en en napi-un a muh loh nading za za napi-un a tel loh nadingun amaute tungah thugentehna tawh thu kigen hi,” a ci hi.

ROM (Romans) 10:16

Ahi zongin Isaiah in, “Topa aw, ka thugente uh kua in um ahi hiam?” a cih mah bangin Lungdamna Thu a za mi khempeuh in um kim lo uh hi.

2 KORIN NIHNA 3:14

Amaute’ lungsim khauh ahih manin tu dongin bangmah thei tuan loin om uh a, thuciamna lui laibu a sim uh ciangin puan tawh liah bangmahin bangmah mu thei lo, theithei lo uh hi. Bang hang hiam cih leh mi khatpeuh Khrih tawh a kipawl ciang bekin a muhtheih nadingin a kiliahna puan a kilakhia pan ahi hi.

Thu-hilhkikna 29:4

Ahih hangin tuni dongin Topa in note’ tungah a thu na tel nading uh lungsim hitaleh, na muh nading uh mit hitaleh, na zak nading uh bil hitaleh hong pia nai lo hi.