Mattiu 12:46 - Tedim Bible

⁴⁶ Tua bangin mite kiangah thu genin a om laitakin a pualamah a nu le a naute in Jesuh hopih nuamin a om uh hi.

Tedim Bible Revision 2017

⁴⁶ Tua bangin mite kiangah thu genin a om laitakin a pua lamah a nu le a naute in Jesu hopih nuamin a om uh hi.

Mattiu 12:46 Iomraidhean Croise

Mattiu 1:18

Jesuh Khrih a hong suahna zia hih bang ahi hi. Mary pen Josef a dingin zuthawl piaksa hi a, ahi zongin a kiten taktak ma-un Kha Siangtho in amah a gaisakna thu Mary in a thei hi.

Mattiu 12:47

Tua ahih manin tua lai-ah a om mite khat in Jesuh kiangah, “Na nu le na naute in nang hong hopih nuamin a pualamah om uh hi,” a ci hi.

Mattiu 13:55

Khutsiam pa’ tapa hi lel a, a nu zong Mary a kici nu hilel hi lo ahi hiam? Ama naute zong James, Josef, Simon le Judas hi lo ahi uh hiam?

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a vanpuakte uh suahkhia uh a, kham, saledi paknamtui, le myrrh paknamtuite, letsongin a pia uh hi.

Mattiu 2:20

“Naupang a that nuam mite si khinta ahih ciangin kithawi inla, naupang le a nu tawh Israel gamah ciah un,” a ci hi.

Marka 2:21

“Kuamah in puantungsilh lui phop nadingin a ton nai lo puanbek a thak zang ngei lo hi. Zang zenzen leh a puanbek thak in a puan lui balkek ding a, a vang gol zawsop ding hi.

Marka 6:3

Amah khutsiampa hilel a, Mary’ tapa hi lo ahi hiam? James, Josef, Judas, le Simon-te’ u hi lo ahi hiam? A nau numeite zong hih lai mah a om hi lo ahi uh hiam?” a ci uh hi. Tua hi a, amah sangzo lo uh hi.

Luka 1:43

Ka Topa’ nu kei kiangah hong hawh nadingin, bang hangin hih bang thu lian kei tungah hong tung ahi hiam?

Luka 2:33

Naungek’ nu le pate in, hih bangin Simeon in naungek’ thu a genna a zak uh ciangin lamdang a sa mahmah uh hi.

Luka 2:34

Tua ciangin Simeon in amaute thupha a piak khit ciangin naungek’ nu Mary kiangah, “Hih naungek pen, Israel mite sungah mi tampi in siatna a ngah nading, le mi tampi in hotkhiatna a ngah nading ahi hi. Mi tampi in hih naungek nial ding uh a,

Luka 2:48

A nu le a pa in a muh uh ciangin lamdangsa uh a, a nu in, “Ka ta aw, bang hangin hong hici bawl na hi hiam? Na pa tawh lungkham mahmahin nang ka hong zong uh hi,” a ci hi.

Luka 2:51

Tua ahih ciangin a nu le a pa zui-in Nazareth khua-ah ciahkik a, amaute’ thu mangin tua lai-ah hoihtakin a om hi. A nu in hih thu khempeuh a lungsim sungah ngaihsunsun hi.

Luka 8:10

Jesuh in, “Pasian’ Ukna thu tawh kisai thusim, note tungah hong kigen hi. Ahi zongin midangte in, en en napi-un a muh loh nading za za napi-un a tel loh nadingun amaute tungah thugentehna tawh thu kigen hi,” a ci hi.

Johan 19:25

Jesuh’ singlamteh gei-ah ama nu; ama nuno ahi, Klopas’ zi Mary; le Magdala khuami Mary a ding uh hi.

Johan 2:1

Tua zawh ni nih khit ciangin Galilee gam Kana khua-ah mo pawi om a, Jesuh’ nu zong tua pawi-ah a om hi.

Johan 2:12

Tua khit ciangin Jesuh le a nu, a sanggamte le a nungzuite, Kapernaum khua-ah pai-in tua lai-ah ni tawmkhat a taam uh hi.

Johan 2:5

Ahi zongin Jesuh’ nu in nasemte kiangah, “Ama hong gen bangbangin gamta un,” a ci hi.

Johan 7:10

Ahi zongin a sanggamte a dinkhiat khit ciangin Jesuh zong Jerusalem-ah Buk Pawi siim dingin a nungpai hi. Ahi zongin a kilang lua-in pai loin a simpai ahi hi.

Johan 7:3

ama sanggamte in Jesuh kiangah, “Na nung hong zui mihonte in na nasepna a muhtheih nadingun hih lai panin paikhia-in Judea gamah va pai in.

Johan 7:5

ama sanggamte mahmah in zong Jesuh um lo uh hi.

Sawltak 1:14

Numeite, Jesuh’ nu Mary, le Jesuh’ naute tawh thungen khawm dingin a kikhawm zelzel uh hi.

1 KORIN MASA 9:5

Sawltak dangte, Topa’ naute, le Peter mah bangin ka khualzinna-ah thu um mi ka zi a tonpih thei ding ka hi hi.

Galati 1:19

Tua hun laitakin Topa’ sanggam James simloh sawltak kuamah dang ka mu kei hi.