Mattiu 12:36 - Tedim Bible

³⁶ Note kiangah kong genin-ah: Thukhen ni ciangin mi khempeuh in phattuamna a om lo a kampaunate uh khempeuh bangin thusitna a thuak ding uh hi.

Tedim Bible Revision 2017

³⁶ Note kiangah kong genin ah: Thukhen ni ciangin mi khempeuh in phattuamna a om lo a kampaunate uh khempeuh bangin thusitna a thuak ding uh hi.

Mattiu 12:36 Iomraidhean Croise

Thuhilh-sia 12:14

A pha hitaleh a sia hitaleh a simthamin i hih simte nangawn i hihna khempeuhah Pasian in thu hong khen ding hi.

Mattiu 10:15

Thukhen ni ciangin tua khuamite’ thuakna sangin Sodom khua le Gomorrah khuamite’ thuakna olzaw lai ding ahihna thu hoihtakin phawk un.

Mattiu 11:22

Tua ahih manin thukhen ni ciangin note’ thuakna sangin, Taia le Sidon khuamite’ thuakna baihzaw lai ding ahihna thu phawk ta un.

Mattiu 12:37

Bang hang hiam cih leh nomau kampauna tawh kizui-in thu hong kikhen ding a, dik hi, cihna ahi a, mawh hi, cihna ahi zongin na ngah nadingun nomau kampau mah hong kibulphuh ding hi,” a ci hi.

ROM (Romans) 14:12

Tua ahih manin a kuamah peuh in i gamtatna ciat Pasian’ mai-ah a va kigentel ciat ding ihi hi.

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesuh Khrih thu a khensak Ni ciangin, tu-a ka hong gen bang teekteekin a hong piang ding ahi hi.

Jeim 3:6

Leii pen mei tawh kibang hi. I pumpi na sung panin a neuno khat hinapi-in i pumpi buppi a sia suahthei a, hell khuk sung panin a hong piang mei tawh i nuntakna buppi hong kangtumsak thei hi.

Mangmuhna 20:12

A lian a neu misite tua tokhom mai-ah dingin laibute a kilem ka mu hi. Tua ciangin a nungta mite a kigelhna laibu a dang khat zong a kilem ka mu hi. Amaute’ gamtatna tua laibute sungah a kigelhna tawh kizui-in misite tungah thu a kikhen hi.