Mattiu 12:25 - Tedim Bible

²⁵ Jesuh in amaute’ ngaihsutna thei ahih manin amaute kiangah, “Gam khat peuhpeuh, a gammite kiphelkhamin pawlkhat le pawlkhat kido le-uh tua gam a sia suak ding hi; khua khat ahi a, innkuan khat ahi zongin kiphelkhamin kido le-uh kip lo ding hi.

Tedim Bible Revision 2017

²⁵ Jesu in amauteʼ ngaihsutna thei ahih manin amaute kiangah, “Gam khat peuhpeuh, a gam mite kiphelkhamin pawl khat le pawl khat kido le-uh tua gam a sia suak ding hi; khua khat ahi a, innkuan khat ahi zongin kiphelkhamin kido le-uh kip lo ding hi.

Mattiu 12:25 Iomraidhean Croise

1 KUMPI MASATE 16:21

Tua ciangin Israel mite pawl nihin kikhen uh hi. Mi pawlkhat in kumpi-in a bawl dingin Ginath’ tapa Tibni zui uh a, a pawlkhat in Omri zui uh hi.

Late 139:2

Nangmah in ka heksukna, ka hektohnate na thei hi. Nangmah in ka ngaihsutnate gamlapi pek panin na thei hi.

Isaiah 9:21

Manasseh in Efraim, Efraim in Manasseh ne-in, tua tegel in Judah langpang khawm uh hi. Hih thute khempeuh hangin ama hehna damzo nai lo a, ama khut kizanlai hi.

Jeremiah 17:10

Keimah Topa in mi khempeuh’ nuntakzia le a gamtatna tawh kizui-in a piakhia dingin ngaihsutna ka entel a, lungsim ka sittel hi,” a ci hi.

Amos 4:13

Bang hiam cih leh mualte bawlin huihte a piangsak pa, ama ngaihsutna mihingte tungah kilang sakin, sun nitaang kimlai zanin a bawlpa, leitung khempeuh a ukpa’ min, Topa, Vanglian Pasian ahi hi.

Mattiu 9:4

Ahi zongin Jesuh in amaute’ ngaihsutna thei ahih manin, “Bang hangin a sialamin ngaihsun na hi uh hiam?

Marka 2:8

Jesuh in a lungsim sung uha amau ngaihsutna theipah ahih manin amaute kiangah, “Bang hangin tua bangin ngaihsun na hi uh hiam?

Johan 21:17

Jesuh in a thumveina dong leuleu a, “Johan’ tapa Simon aw, kei na hong it hiam?” a cih ciangin, “Kei na hong it hiam?” ci-in thumvei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesuh in, “Ka tuute na kem in.

1 KORIN MASA 2:11

Mihing khat’ ngaihsutna pen ama lungsim bek mah in a theih mah bangin Pasian’ Kha Siangtho bek mah in Pasian’ thu a cingin a thei hi.

Galati 5:15

Ahi zongin note pen gamsa bangin khatlekhat kiphuai-in kipetkha le-uhcin na vekpi-un na siatlawhkhak ding uh lauhuai ahih manin hoihtakin na kidawm un.

Hebru 4:13

Pasian’ mai-ah seelcip theih ding bangmah om lo hi. Eite khempeuh i dinna ding pa’ mai-ah a kipiangsak na khempeuh a kiliah a ki-im thei om loin kimu sinsen hi.

Mangmuhna 16:19

Khuapi phelthum kisuah a, gam sunga om khuapi dang khempeuh kisia hi. Pasian in Babylon khuapi mangngilh lo a, ama hehna ahi leenggahzu a hai sung panin Babylon khuapi a dawnsak hi.

Mangmuhna 2:23

Tua numei’ thu a zui mi khempeuh ka that ding hi. Tua hileh, mihingte’ ngaihsutna le lungsim a kantel pa ka hihna thu pawlpi khempeuh in thei ding uh hi. Note’ gamtatna ciat tawh kizui-in ka hong thukkik ding hi.