Mattiu 11:7 - Tedim Bible

⁷ Tua thudong mite a ciahkhiat khit ciangin Jesuh in mihonte kiangah Johan’ thu gen a, “Gamlakah Johan kiangah na pai uh ciangin bang a mu dingin kilamen na hi uh hiam? Huih in a mut awn diamdiam lopakungte a en ding maw?

Tedim Bible Revision 2017

⁷ Tua thu dong mite a ciahkhiat khit ciangin Jesu in mihonte kiangah Johanʼ thu gen a, “Gamlak ah Johan kiangah na pai uh ciangin bang a mu dingin kilamen na hi uh hiam? Huih in a mut awn diamdiam lopa kungte a en ding maw?

Mattiu 11:7 Iomraidhean Croise

Piancilna 49:4

Tuihual bangin na kip kei ding a, na tungtuang kei ding hi. Bang hang hiam cih leh ka zi na luppih a, ka lupna na mindaisak hi.

Mattiu 11:8

Tua hi lo ahihleh bang a mu dingin kilamen na hi uh hiam? Puan hoihnono a silhpa a mu dingin kilamen maw? A taktakin ci lehang, puan hoihnono a silhte pen kumpi inn sungah om uh hi.

Mattiu 12:20

Amah in a zawngkhal mite dopbawl ding a, a cimawh mite tungah migi ding hi. Thuman thutang a gualzawhsak mateng khawl ngei lo ding hi.

Mattiu 21:25

Johan in tuiphum theih nading thu koi lai panin ngah ahi hiam? Pasian kiang panin thu ngah ahi hiam, ahih kei leh mihingte kiang panin thu ngah ahi hiam?” a ci hi. Amaute khatlekhat kiseel uh a, “Pasian kiang pan hi,” ci lehang, “Bang hangin um lo na hi uh hiam?” hong ci ding hi.

Mattiu 3:5

Jerusalem khua, Judea gam sung, le Jordan Gun kiim gam panin mite hong pai uh hi.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a neisa mipa tungah Pasian in piathuah ding a, a nei lo mipa tung panin themkhat nei-a a kingaihsut nangawn lakkhiatsak ding hi,” a ci hi.

Johan 1:38

Jesuh kihei a, amau tegel in a zuihlam a muh ciangin, “Bang zong na hi uh hiam?” ci-in a dong hi. Amaute in, “Sia aw, koi lai-ah om na hi hiam?” ci-in a dawng uh hi.

Johan 5:35

Johan pen meivak bangin kuangin a taang hi a, ama khuavak sungah tawlkhat nuamsa-in om ding na ut uh hi.

Efesa 4:14

Tuahun ciangin thu upna lamah naupang ihi nawn kei ding a, mite khemin a khialsak theite’ mutna hangin i suk hoi i to hoi nawn kei ding a,

Jeim 1:6

Ahi zongin na nget uh ciangin hong pia takpi ding hi, ci-in muanna tawh na ngen un. A muanglah mite pen huih nunna lam peuhah a kinil kawikawi tuihualte tawh kibang lel hi.