Mattiu 11:21 - Tedim Bible

²¹ “Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak na lamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Tedim Bible Revision 2017

²¹ “Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak nalamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Mattiu 11:21 Iomraidhean Croise

JOB (Job) 42:6

Tua ahih ciangin tu-in ka paunasate khempeuh hangin ka maizum mahmah a, tu-in vutlevai khu-in nakpitakin ka kisik hi,” a ci hi.

Jeremiah 13:27

Na kihhuainate, na angkawmna, na hukna le gamlak mualtungah numei paktat bangin milim pasian peuh na biak kawikawinate ka muzo hi. Jerusalem aw, gimna ngah ta in. Na siantho nadingin bang tanvei sawt ding ahi hiam, a ci hi.

Joel 3:4

“Taia khua, Sidon khua, le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uhleh, kei zong manlang takin kong thukkik pah ding hi.

Amos 1:9

Topa in hih bangin ci hi: Taia khuamite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in minambup khat Edom mite tungah ap uh a, lawmta dinga a thuciamna uh zui lo uh hi.

Mattiu 11:22

Tua ahih manin thukhen ni ciangin note’ thuakna sangin, Taia le Sidon khuamite’ thuakna baihzaw lai ding ahihna thu phawk ta un.

Mattiu 15:21

Tua lai panin Jesuh paikhia a, Taia khuapi le Sidon khuapi gam sung tengah a zin hi.

Mattiu 18:7

“Tua bangin mi a khialsak thei ding om ahih manin leitung mite a dingin a dahhuai mahmah thu ahi hi. Tua bang pen a piang tawntung ding hi a, ahi zongin tua bangin khialhna a piangsak mite a dingin dahhuai pha mahmah diak hi.

Mattiu 26:24

Mihing Tapa ahihleh Lai Siangtho sungah a kigelhsa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama a dingin hoihzaw ding hi,” a ci hi.

Marka 3:8

Jerusalem khua, Idumia gam, Jordan galkhat, Taia khuapi kiim le Sidon khuapi kiima om gamte in ama hihsa thute zakhin uh ahih manin, hih gamte panin mihon tampi tak, ama kiangah hong pai uh hi.

Marka 6:45

Tua khit phetin Jesuh in a nungzuite gunkuangah tuangsakin, a galkhat a om Bethsaida khua-ah mapaisak a, amah in mihonte a khua ciatah a ciah dingin a sawl hi.

Marka 7:24

Tua lai panin Jesuh dingkhia-in Taia khuakiim gamah a pai hi. Inn khat sungah lut a, kuamah in a theih loh ding a ut hangin a busim thei kei hi.

Marka 7:31

Tua ciangin Taia khuakiim gam panin Jesuh paikhia a, Sidon khuapi nawkin pai a, Khuapi Sawmte gam lam tawnin Galilee Tuili-ah a tung hi.

Marka 8:22

Tua ciangin Bethsaida khua tung uh hi. Mi pawlkhat in Jesuh kiangah mittaw khat hong paipih uh a, amah a lawn nadingun a thum uh hi.

Luka 4:26

Ahi zongin tua numei tampite khat beek kiangah Elijah kisawl lo a, Sidon gam Zarefath khua-a om meigongnu kiang bekah kisawl hi.

Luka 6:17

Tua mualtung panin Jesuh le a nungzui teelte paisuk uh a, a nung a zui midang tampite tawh mun zang khatah a ding hi. Jerusalem khua le Judea gam khempeuh le tuipi gei-a om Taia khua le Sidon khuapite panin a hong pai mihon tampi zong hong om uh hi.

Luka 9:10

Sawltakte a khualzinna panun a hong tunkik uh ciangin a sepna teng uh Jesuh kiangah a gen uh hi. Jesuh in zong amauteng bek a om theih nadingun amaute samkhia a, Bethsaida khua lamah a paipih hi.

Johan 1:44

Filip pen Andru le Peter’ tenna Bethsaida khuami mah ahi hi.

Johan 12:21

Galilee gam Bethsaida khuami Filip kiangah amaute hong pai-in, “Sia aw, kote in zong Jesuh ka mu nuam uh hi,” ci-in a gen uh ciangin

Sawltak 12:20

Taia khuamite le Sidon khuamite tungah Herod heh mahmah ahih manin Herod tawh a kimu dingin hih khua nih mite hong paikhawm uh hi. A masa-in kumpi innsunga ulian nasem ahi Blastus a pawlmat phot uh hi. Hih khua nihte’ annek tuidawn pen hih kumpipa’ gam panin a ngah uh ahih manin Blastus makai sakin Herod kiangah va pai-in kilem nading thu a va gen uh hi.

Sawltak 27:3

A zing ciangin Sidon khua ka tung uh a, Paul tungah bu Julias dik mahmah ahih manin a lawmte tawh a kimu ding le a lawmte in a kisapnate a piaktheih nadingin a paikhiasak hi.

Juda 1:11

Hih mite a dingin dahhuai mahmah hi. Bang hang hiam cih leh Kain’ gamtat bangin gamta-in, sum ngaihsutna-in Balaam’ khialh bangin khial uh a, Korah’ lehdo bangin lehdo-in siatna thuak uh hi.

Mangmuhna 11:3

Ka teci nihte puanhampi silhin ka paisak ding a, amaute in ni tulkhat zanih sawmguk sung Pasian’ thu a gen ding uh hi,” hong ci hi.

Mangmuhna 6:12

Ciamtehna gukna a hon ciangin ka khuadak le nakpitakin zin hong ling a, ni pen puanvom bangin hong vomin, kha pen sisan bangin a hong san hi.